 Հուլիսի 7-ին Արցախում վիրավորված 2 զինծառայող տեղափոխվել է Երևան 12 հուլիսի 2017 - 13:37 AMT PanARMENIAN.Net - Հուլիսի 7-ին ադրբեջանական զինուժի արկակոծության հետևանքով տարբեր աստիճանի բեկորային վիրավորումներ ստացած 2 զինծառայողի տեղափոխել են Երևան, երրորդը բուժումը շարունակում է Ստեփանակերտում: Այդ մասին ասել է ՀՀ ՊՆ Բուժծառայության վարչության պետ Կամավոր Խաչատրյանը: Ըստ նրա՝ Երևան տեղափոխված զինծառայողներից մեկի առողջական վիճակը բավարար է, արդեն տեղափոխվել է հիվանդասենյակ, իսկ մյուս զինծառայողը դեռևս վերակենդանացման բաժանմունքում է, հայտնում է Panorama.am-ը: Խաչատրյանը հավելել է, որ վերակենդանացման բաժանմունքում գտնվող վիրավորի առողջական վիճակը գնահատվում է կայուն՝ դրական դինամիկայով, նա գտնվում է բժիշկների հսկողության տակ: Ստեփանակերտի հոպիտալում գտնվող երրորդ զինծառայողի վիճակն, ըստ Կամավոր Խաչատրյանի, գնահատվում է նորմալ: Հուլիսի 7-ին հակառակորդը արցախա-ադրբեջանական հակամարտ զորքերի շփման գծում խախտել է հրադադարի պահպանման ռեժիմը՝ օգտագործելով ինչպես հրաձգային զինատեսակներ, այնպես էլ Դ-30 և Դ-44 տիպի հրանոթներ, տարբեր տրամաչափի ականանետեր ու նռնականետեր: Արցախի Հանրապետության ՊՆ մամուլի ծառայության հաղորդմամբ, ադրբեջանական զինուժի արկակոծության արդյունքում՝ տարբեր աստիճանի բեկորային վիրավորումներ են ստացել ՊԲ զինծառայողներ Ռոբերտ Նովրուզի Գասպարյանը (ծնվ. 1969թ.), Համբարձում Կարապետի Հարությունյանը (ծնվ. 1997թ.) և Վահե Գագիկի Բադալյանը (ծնվ. 1998թ.):   Ուշագրավ Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար   Ամենաընթերցվողը բաժնում |  Վերջին լուրեր Պապիկյանը Ֆրանսիայի Սենատի պատվիրակության հետ պաշտպանական գործակցության հարցեր է քննարկել  Հանդիպմանը ներկա էր նաև ՀՀ-ում Ֆրանսիայի արտակարգ և լիազոր դեսպանըԱլիև․ Մոսկվան ու Բաքուն ևս մեկ մեծ նախագիծ են սկսում Հյուսիս-Հարավի շրջանակում Նա նշել է, որ Ադրբեջանի տարածքում կա երկաթգիծ, որը կապում է ադրբեջանա-ռուսական սահմանը Ադրբեջանի և Իրանի սահմանի հետՆոյեմբերյանի ղեկավար կազմը հայտարարել է՝ չի աջակցում սահմանազատման գործընթացին Նշվում է, որ նրանք աջակցում ենք խաղաղության հաստատմանը, սակայն այս գործընթացը փաստացի ՀՀ կողմից միակողմանի զիջում էՓաշինյան․ Մենք գնում ենք Ադրբեջանի գնած սպառազինության 15-20%-ը Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը |
