Հալեպի հայկական եկեղեցին վերականգնվում է. Տուֆը կբերվի Հայաստանից

Հալեպի հայկական եկեղեցին վերականգնվում է. Տուֆը կբերվի Հայաստանից

PanARMENIAN.Net - Սիրիայում հունի մեջ է մտնում խաղաղ կյանքը՝ Հալեպում կսկսեն վերականգնել հայ առաքելական XV դարի եկեղեցին:

2017-ի դեկտեմբերի 16-ին Սիրիայի բանակն ավարտել է Հալեպի արևելյան թաղամասերի ազատագրումը, ինչը պայմաններ է ստեղոծւմ սիրիական հակամարտության խաղաղ կարգավորման համար:

Նախատեսվում է, որ հայկական եկեղեցու վերականգնողական աշխատանքը կմեկնարկեն արդեն հուլիսին, իսկ վարդագույն տուֆը, որից կառուցված է եկեղեցին կբերվի Հայաստանից,ասվում է ՆՏՎ-ի հաղորդման մեջ:

Նշվում է, որ պատերազմից առաջ այն բազում զբոսաշրջիկներ և ուխտավորներ էին այցելում: Թեև եկեղեցին հայկական է, սակայն այստեղ մոմ էին վառում նաև ուղղափառ հավատացյալները ՌԴ-ից, Ուկրաինայից, Բելառուսից:

Քառասուն նահատակների եկեղեցին կառուցվել է XV դարի սկզբին, տուժել բազում արշավանքներից ու պատերազմներից, բայց ամեն անգամ վերականգնվել է ամբողջ աշխարհով մեկ սփռված հայության ջանքերով:

Հալեպի ազատագրումից հետո եկեղեցին չի գործում, քանի որ տուժել է արկակոծություններից և պայթյուններից: Ամբողջ աշխարհի հայերը դրամահավաք են սկսել Սիրիայի ամենագեղեցիկ եկեղեցիներից մեկը վերականգնելու համար, ասվում է հաղորդագրության մեջ:

Հալեպի պատմաբաններն ու ճարտարապետները քաղաքի ազատագրումից հետո ցանկանում են վերադարձնել նրա Ազգային թանգարանի, հին գրադարանի և հռոմեական ջրանցույցի (ակվեդուկ) նախկին տեսքն ու փառքը։

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---