Ինչով զբաղվել weekend-ին. Գունազարդ վազք, ձմերուկի փառատոն, բացօթյա փարթի, ավտոմոտոշոու15 հուլիսի 2017 - 12:26 AMT PanARMENIAN.Net - Հանրապետության տարածքում շոգ է, և ինչպես երևում է, հանգստյան օրերին ամեն առումով թեժ է լինելու, սպասվում են մի շարք հետաքրքիր միջոցառումներ՝ գունազարդ վազք, ձմերուկի փառատոն, համերգներ, բացօթյա փարթի, ֆիլմեր, անգամ հայտնի ռուս կինոքննադատ Անտոն Դոլինի գրքի շնորհանդեսը և ավտոմոտոշոու: PanARMENIAN.Net –ն առանձնացրել է իր ճաշակով մի քանի տարբերակ ամառային այս weekend-ն ավելի հիշարժան դարձնելու համար: Բացի այդ, առանձնացրել ենք մեր ճաշակով ամենահետաքրքիր միջոցառումը, որը դուր կգա որակյալ էլեկտրոնային երաժշտության սիրահարներին: Այսպես, հուլիսի 15-ին Casa de Locos-ում կնվագի ԱՄՆ-ից ժամանած հայազգի սաունդ արտիստ Armen Miran-ը: Երեկոն կսկսվի ժամը 19:00-ին, այն կբացի հենց Armen Miran-ը, ուստի կազմակերպիչները կոչ են անում սովորության համաձայն չուշանալ: Այնուհետև կնվագեն դիջեյներ Serjo-ն, Teo-ն և Hovhannes Asatour-ը: Միջոցառումը մինչև 23:00 կանցնի բաց երկնքի տակ, այնուհետև կշարունակվի կից փակ տարածքում մինչ առավոտ: Այդ օրվա համար հատուկ կպատրաստվի 5 կոկտեյլ: Տոմսերի արժեքը՝ 3000 դրամ: Yerevan Color Run
Հուլիսի 16-ին արդեն երրորդ անգամ Հայաստանում կանցկացվի Yerevan Color Run-ը՝ գունազարդ վազքը: Սա վազք-զվարճանք է, որը կազմակերպվում է աշխարհի 35 երկրներում: Այս տարի ՀՀ-ում վազքը կկայանա մայրաքաղաքի սրտում՝ Հանրապետության հրապարակում: Մասնակիցները կվազեն 5 կմ: Մասնակիցների հավաքագրումը նախատեսված է առավոտյան ժամը 08:00 – 09:30, այնուհետև լինելու է ֆիթնես-նախավարժանք, որից հետո մասնակիցները մեկ ժամ շարունակ կվազեն: Վազքուղին առաջինը հաղթահարող երեք տղաները և աղջիկները կպարգևատրվեն: 11:30 կկայանա երաժշտական գունազարդ «հրավառությունը» (Color Party): Տոմսի արժեքն է 4000 դրամ, իսկ միջոցառման օրը՝ 5000 դրամ: Այս տարի Գունազարդ վազքից ստացված միջոցների մի մասը ուղղվելու է Երևանում Street Workout-ի մասնագիտացված սպորտային մարզահրապարակի կառուցմանը, որտեղ կարող են անվճար մարզվել բոլոր ցանկացողները, մյուս մասն էլ կուղղվի մասշտաբային բարեգործական ծրագրի՝ «Կյանքի ճանապարհ» 34 կմ անվտանգ ճանապարհի կառուցմանը (Իջևան-Բերդ), որը միացնում է Շամշադինը ամբողջ Հայաստանին: Ձմերուկի փառատոն
«Երևանյան ամառ 2017» եռամսյա միջոցառումների ծրագրի շրջանակներում հուլիսի 15-ին` ժամը 19:00-ից Կարապի լճում կմեկնարկի ձմերուկի ամենամյա դարձած արդեն 5-րդ փառատոնը: Փառատոնի ընթացքում կանցկացվի ձմերուկային երթ, մրցույթներ, ձմերուկների գեղարվեստական ձևավորում և այլն: Համաքաղաքացիներին ու մայրաքաղաքի հյուրերի համար կկազմակերպվի նաև ձմերուկի հյուրասիրություն՝շոու բիզնեսի ներկայացուցիչների կողմից: Միջոցառման ընթացքում կանցկացվեն նաև խաղ-մրցութներ: Հաղթողները Երևանի քաղաքապետարանի և գործընկեր կազմակերպությունների կողմից կպարգևատրվեն: Փառատոնը կեզրափակվի հայկական հանրաճանաչ երաժշտական խմբերի մասնակցությամբ համերգային ծրագրով: Գրքի շնորհանդես և դրիֆթինգ ավտոմոտոշոու
Հուլիսի 9-15 կայացած «Ոսկե ծիրան» Երևանի 14-րդ միջազգային կինոփառատոնի շրջանակներում Հայաստան են ժամանել բազմաթիվ ռեժիսորներ, դերասաններ, պրոդյուսերներ և կինոյի աշխարհի այլ ներկայացուցիչներ աշխարհի տարբեր երկրներից: Նրանց թվում է նաև ռուս հայտնի կինոքննադատ Անտոն Դոլինը: Հուլիսի 15-ին «Արտ Բրիջ» գրախանութ-սրճարանում տեղի կունենա Դոլինի «Джим Джармуш. Стихи и музыка» գրքի շնորհադեսը, որից հետո հեղինակը կպատասխանի ներկաների հարցերին: «Երևանյան ամառ 2017» ծրագրի շրջանակներում հուլիսի 16-ին Վազգեն Սարգսյանի անվ. Հանրապետական մարզադաշտում կկայանա դրիֆթինգի և արագընթաց ձևավոր վարման միջոցառում: Միջոցառման հյուրը կլինի ԱՄՆ-ից ժամանած Քրիս Կրիգորիանը իր BMW E46 (800HP) ավտոմեքենայով: Միջոցառման սկիզբը՝ ժամը 12:00-ից: Համերգներ
Հուլիսի 15-ին Before Room-ում կկայանա Underground Rock Show համերգը, որի շրջանակներում ելույթ կունենան ռոք խմբեր Երևանից և Թբիլիսիից: Համերգի սկիզբը՝ ժամը 20:00-ին, մուտքավճարը՝ 2000 դրամ: Kami երաժշտական ակումբում հուլիսի 15-ին և 16-ին ելույթ կունենան Kami Friends Project-ի անդամները: Համերգի սկիզբը՝ ժամը 21:30-ին, տոմսերի արժեքը՝ 3000 դրամ: «Էնոտեկա» գինու բարում հուլիսի 15-ին ելույթ կունենա Վահագն Հայրապետյանի կվարտետը: Կհնչի ջազ, երեկոյի սկիզբը՝ ժամը 20:30, մուտքավճարը՝ 4000 դրամ: Հուլիսի 16-ին Կարապի լճի մերձակայքում տեղի կունենա The Pillows Family-ի բացօթյա համերգը: Այն կսկսվի ժամը 21:10-ին։ Մուտքն ազատ է: Կինոսերների համար
«Սինեմա Սթար» և «ԿինոՊարկ» կինոթատրոններում առաջիկա հանգստյան օրերին կինոսերները կկարողանան դիտել հետևյալ ֆիլմերն ու մուլտֆիլմերը. «Գարշելի ես 3» (Despicable Me 3), «Կապիկների մոլորակը: Պատերազմ» (War for the Planet of the Apes), «Սարդ մարդը: Վերադարձ տուն» (Spider-Man: Homecoming), «Գրասենյակ» փորձարկում» (The Belko Experiment), «Վայրի պատմություն» (El bar), «Ուեյքֆիլդ» (Wakefield), «Կապույտ անդունդը» (47 Meters Down): Հուլիսի 15-ին «Գոյ» կենտրոնում կցուցադրվի «Հատուցում» (The railway man) ֆիլմը՝ Քոլին Ֆերթի և Նիկոլ Քիդմանի մասնակցությամբ: Ֆիլմը հիմնված է իրական փաստերի վրա, որոնք տեղի են ունեցել Երկրորդ աշխարհամարտի տարիներին: Ֆիլմից հետո կլինի քննարկում խղճի, ներելու ունակության ու վրեժխնդրության թեմաներով: Կինոդիտումը՝ ժամը 19:15-ին, մուտքավճարը՝ 1000 դրամ: Շոփինգ
Dalma Garden Mall և Yerevan Mall առևտրի կենտրոններում գտնվող խանութ-սրահների մեծ մասում մեկնարկել են ամառային զեղչերը: Այդպես, մինչև 60% զեղչով գարուն-ամառ տեսականին կարող եք ձեռք բերել ZARA, Bershka, Pull & Bear, Oysho, Jennyfer, Massimo Dutti, Okaidi, Accessorize, Marks & Spencer, New Look, Garage, Suite Blanco, LaSenza, BIAYNI, Bossini, Wallis, GAP, TopShop, Celio, Promod, F&F, Caprisa, Women'secret, Aldo, Baldi, Sali, Steve Madden, Crocs, Bata, Mango, Basic Center, Parfois, Premium One և այլ խանութներից: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսը |