Եվրասիական բանկն առաջարկում է հաշվարկային դրամական միավոր ստեղծել ԵՏՄ համար

Եվրասիական բանկն առաջարկում է հաշվարկային դրամական միավոր ստեղծել ԵՏՄ համար

PanARMENIAN.Net - Եվրասիական զարգացման բանկն (ԵԶԲ) առաջարկել է ԵՏՄ անդամ երկրների կենտրոնական բանկերին ստեղծել տարածաշրջանային հաշվարկային դրամական միավոր Եվրոպայում 1979-1998-ին շրջանառվող էքյուի նմանությամբ: Այդ մասին հայտնել է ԵԶԲ Ինտեգրացիոն հետազոտությունների կենտրոնի տնօրեն Եվգենի Վինոկուրովը:

«Մի շարք գործիքներ կան, որոնք մենք առաջարկում ենք քննարկել հիմնականում հեռանկարի համար: Օրինակ, հաշվարկային տարածաշրջանային դրամական միավոր՝ խոսքը ոչ թե միասնական արժույթի մասին է, այլ մի գործիքի, որն ավելի դյուրին է դարձնում փոխադարձ հաշվարկները»,-ասել է Վինոկուրովը:

Ավելի վաղ նման առաջարկով հանդես էր եկել Ղազախստանը, սակայն, ըստ Վինոկուրովի, դեռ բազում հարցեր են մնում կապված ֆինանսական շուկայի, էմիսիայի և դրամաշրջանառության վերահսկման տեսակետից:

«Մենք սկսում ենք այդ մասին մտածել, բայց դեռևս շատ հարցեր կան»,-ասել է նա:

«Տարածաշրջանային դրամական միավորն առաջին հերթին հարկավոր է առևտրային հոսքերը սպասարկելու համար, դա կարող է լինել «Մետաքսի ճանապարհի հաշվարկային միավորը», -ասել է նա:

ԵՏՀ ֆինանսական քաղաքականության դեպարտամենտի տնօրեն Տիգրան Դավթյանն իր հերթին ասել է, որ խոսքն այլ երկրների ֆինանսական տեխնոլոգիաները նմանակելու մասին չէ: Իսկ ԵՏՀ-ին մոտ աղբյուրը հայտնել է, որ ԵՏՄ անդամ պետությունների կենտրոնական բանկերը պատրաստ են քննարկել առաջարկը, մինչդեռ, ըստ նրա, ՌԴ ԿԲ-ն հակված է որպես միասնական միավոր ռուբլին ընդունել:

2016-ի ապրիլին ՌԴ նախագահ Վլադիմիր Պուտինը չէր բացառել ԵՏՄ-ում միասնական արժույթի ներդրման հնարավորությունը, երբ անդամ երկրների տնտեսությունների մակարդակը քիչ թե շատ հավասարվի:

2017-ի ապրիլինԵվրասիական տնտեսական հանձնաժողովի ինտեգրման և մակրոէկոնոմիկայի կոլեգիայի անդամ Տատյանա Վալովայան հայտարարեց, որ միասնական արժույթն աղետալի կլինի ԵՏՄ համար:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---