Թուրքիայում իշխող անհանդուրժողականության մթնոլորտը քննադատության առարկա դարձավ Հրանտ Դինքի սպանությունից հետո: Այդ մասին հայտարարել է Միննեսոտայի համալսարանի պրոֆեսոր, թուրք պատմաբան Թաներ Աքչամը, որը բնակվում է ԱՄՆ-ում: Նրա խոսքերով, Դինքի սպանության մեղավորը «խորքային պետությունն» է: «Խորքային պետությունն» ընդհատակյա կազմակերպություն է եւ անվտանգության ուժերի ու պաշտոնյաների մաս է կազմում, որոնք դեմ են Թուրքիայի ժողովրդավարացմանը: Դինքի սպանությունն ավելի բարդ էր, քան առանձին մի հանցագործություն եւ Թուրքիայում «վտանգավոր մտածողության» արդյունքը դարձավ»,-ասել է Աքչամը, գրում է «Թըրքիշ Դեյլի նյուսը»:

Հայ-թուրքական «Ակոս» թերթի գլխավոր խմբագիր Հրանտ Դինքը սպանվեց 2007 թվականի հունվարի 19-ին ազգայնամոլ Օգյուն Սամաստի կողմից: Սամաստի դատավարության հերթական նիստը տեղի կունենա փետրվարի 11-ին: