Հայաստանի ֆուտբոլի հավաքականի գլխավոր մարզիչ է նշանակվել դանիացի Յան Պոուլսենը24 հունվարի 2008 - 14:54 AMT PanARMENIAN.Net - Հայաստանի ֆուտբոլի հավաքականի նոր մարզիչ է դարձել Յան Պոուլսենը, որի պայմանագիրը ֆուտբոլի ֆեդերացիայի հետ կնքվել է մինչեւ 2010 թվականի մայիսը: 61-ամյա մասնագետն այդ պաշտոնում փոխարինեց Յան Պորտերֆիլդին, որի վախճանից հետո ազգային թիմը ժամանակավորապես գլխավորում էր Վարդան Մինասյանը: Միաժամանակ Պոուլսենը նշանակվել է Հայաստանի բոլոր հավաքականների տեխնիկական տնօրենի պաշտոնում: Ընդ որում նա Հայաստանում մարզչական կադրերի պատրաստման ծրագրի շրջանակներում կզբաղվի նաեւ երկրում համապատասխան դասընթացների կազմակերպմամբ: Հայաստանի ֆուտբոլի ֆեդերացիայի գրասենյակում կայացած մամլո ասուլիսում նոր մարզիչը հայտարարել է. «Ես երկու խաղ եմ դիտել Հայաստանի հավաքականի մասնակցությամբ: Ավելի մոտիկից թիմի եւ առանձին ֆուտբոլիստների հետ կծանթանանք մարզումների ժամանակ: Մեր նպատակն է լավ արդյունքների հասնել որակյալ ֆուտբոլի օգնությամբ»: Թիմի անդամների հետ անձնապես ծանոթանալու առաջին հնարավորությունը Պոուլսենը կունենա փետրվարի սկզբին, երբ հայկական թիմը մասնակցի Կիպրոսում կայանալիք միջազգային մրցաշարին, որտեղ դաշտի տերերից բացի ներկայացված կլինեն նաեւ բելառուսներն ու իսլանդացիները: 1992 թվականին Պոուլսենը որպես գլխավոր մարզչի օգնական օգնեց դանիացիներին հաղթել Եվրոպայի առաջնությունում, որից հետո յոթ տարի աշխատեց իր երկրի երիտասարդական հավաքականի հետ: Որոշ ժամանակ Սինգապուրի ազգային հավաքականում աշխատելուց հետո, նա հետագայում Հորդանանի պատանեկան հավաքականի (մինչեւ 20 տարեկան) հետ աշխարհի առաջնության ուղեգիր նվաճեց, հաղորդում է uefa.com-ը: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը ՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին Լիտվայի վարչապետ․ Պատրաստ ենք աջակցել ՀՀ-ին ԵՄ-ի հետ հարաբերությունների սերտացմանը Կողմերը քննարկել են անվտանգային և տնտեսական իրավիճակն Արևելյան Եվրոպայում և Հարավային Կովկասում |