 Մոսկվայում կարող է բացվել Կարո Հալաբյանի հուշարձանը 18 սեպտեմբերի 2017 - 15:06 AMT PanARMENIAN.Net - Մոսկվայում կարող է հայտնվել հայտնի ճարտարապետ Կարո Հալաբյանի հուշարձանը: Այդ մասին հայտնել է մոնումենտալ արվեստի հանձնաժողովի նախագահ Իգոր Վոսկրեսենսկին: Նա հավելել է, որ նման առաջարկ է ստացվել Հայաստանի դեսպանատնից և հուշարձանը կանգնեցվելու է հայկական կողմի հաշվին: «Հալաբյանը հայտնի ճարտարապետ է, հիանալի կլիներ, եթե նրա արձանը կանգնեցվեր», -ասել է Վոսկրեսենսկին: Նա հավելել է, որ հուշարձանը նախատեսվում է կանգնեցնել նրա անունը կրող փողոցում: Ըստ Վոսկրեսենսկու, հուշարձանի կանգնեցման հարցը կքննարկվի հոկտեմբերին կայանալիք հանձնաժողովի նիստում, հայտնում է «Մոսկվա» քաղաքային նորությունների գործակալությունը: Կարո Հալաբյանը խորհրդային ժամանակաշրջանի հայտնի ճարտարապետ է, եղել է Մոսկվայի գլխավոր ճարտարապետը, մասնակցել է ԽՍՀՄ մայրաքաղաքի վերակառուցման նախագծմանը: Նա նախագծել է Սովետական բանակի թատրոնի շենքը Մոսկվայում (1940), մետրոյի Կրասնոպրեսնենսկայա կայարանը: Հալաբյանը նախագծել է նաև Սոչիի ծովային կայարանը (1950), Մոսկվայի Խիմկի–Խովչինո խոշոր բնակելի զանգվածը (1962)։ Ստեղծել է Կ. Մարքսի, Ս. Շահումյանի, Կամոյի դիմաքանդակները։  Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր Վարչապետ․Եթե Տավուշում տների հետ կապված խնդիր լինի, պետությունը տեր կկանգնի՝ նոր տներ կկառուցի  Վարչապետի խոսքով՝ խնդիրները, որ տեղ-տեղ ծագում են հայկական կողմի համար, հնարավոր է, որ ծագեն նաև Ադրբեջանի համարՓաշինյան․ Ռուսական հենակետերը դուրս կբերվեն Տավուշից Խոսելով հայ սահմանապահների տեղակայման ժամկետների մասին` նա շեշտել է, որ այդ գործընթացը պետք է հնարավորինս արագ անելՎարչապետ․ Որոշումը նվազեցնելու է անվտանգային ռիսկը Բաղանիս-Կիրանց-Ոսկեպար հատվածում և ՀՀ սահմանի ամբողջ երկայնքով Նա ընդգծել, որ իհարկե, սա ձեռքբերում է Ադրբեջանի համար, բայց սա նաև էական ձեռքբերում է նաև ՀՀ համար |
