// IP Marketing video - START// IP Marketing video - END

Մոսկվայից Գյումրի թռչող օդանավն արտակարգ վայրէջք է կատարել. Ուղևորներից մեկը ծխել է

Մոսկվայից Գյումրի թռչող օդանավն արտակարգ վայրէջք է կատարել. Ուղևորներից մեկը ծխել է

PanARMENIAN.Net - Մոսկվայից Գյումրի թռչող «Պոբեդա» ավիաընկերությանը պատկանող Boeing օդանավն արտակարգ վայրէջք է կատարել Միներալնիե Վոդի քաղաքում՝ ծխող ուղևորի պատճառով:

Բանն այն է, որ ծխող ուղևորը հրաժարվել է ենթարկվել բորտուղեկցորդների պահանջներին և հանգցնել ծխախոտը, գրում է rbc.ru:

Հունիսի վերջին ավիաընկերությունը նախազգուշացրել էր, որ օդանավերը ստիպված կլինեն արտահերթ վայրէջք կատարել, եթե օդանավում ծխելու դեպքեր գրանցվեն։

«Քանի որ օդանավում ծխելու դեպքերը հաճախակի են դարձել, մենք որոշում ենք կայացրել խստացնել ծխող ուղևորների դեմ պայքարի միջոցառումները՝ հիմա ծխող ուղևորներ հայտնաբերելու դեպքում հարկադիր վայրէջք կկատարվի մոտակա հասանելի օդանավակայանում»,- ասել է ընկերության ղեկավար Անդրեյ Կալմիկովը։

Նա ընդգծել էր, որ ուղևորին, ում պատճառով որևէ ինքնաթիռ ստիպված կլինի հարկադիր վայրէջք կատարել, կիջեցնեն ինքնաթիռից, ինչպես նաև նրանից կգանձեն հարկադիր վայրէջքի հետևանքով առաջացած բոլոր հավելյալ ծախսերը։

Նմանատիպ դեպք էր գրանցվել նաև հուլիսին՝ Սանկտ–Պետերբուրգ–Մախաչկալա չվերթը կատարող ինքնաթիռում։ Այդ ժամանակ ինքնթնաթիռը հարկադիր վայրէջք էր կատարել Մոսկվայի «Վնուկովո» օդանավակայանում։

 Ուշագրավ
Նա հավելել է, որ չգիտի որևէ դեպք, որ բանակում հարկադրել են զինծառայողին աղոթել կամ մկրտվել
Ըստ ԱԻՆ հիդրոմետ ծառայության օդերևութաբանության կենտրոնի պետի, տաք և արևոտ օրեր կլինեն
Ըստ Վահան Սարգսյանի, բարմենները միշտ առանց հավելումների լավ գազավորված ջրի կարիք ունեն
Տալլինի այն տանը, որտեղ ժամանակին ապրել է Դովլաթովը հուշատախտակ է փակցված