// IP Marketing video - START// IP Marketing video - END

«Կամազը» բեռնատարներ կարտադրի Հայաստանում

«Կամազը» բեռնատարներ կարտադրի Հայաստանում

PanARMENIAN.Net - Ռուսական ավտոմեքենաշինության հսկա «Կամազ» ընկերությունը բեռնատարներ կարտադրի Հայաստանում: Այդ մասին հայտարարել է ՀՀ տնտեսական զարգացման և ներդրումների փոխնախարար Հովհաննես Ազիզյանը:

Ըստ նրա, ընկերությունը մտադիր է ՀՀ ազատ տնտեսական գոտում բեռնատարների հավաքման արտադրություն սկսել «Կամազի» հիմքի վրա և արտահանել արտադրանքը երրորդ երկրներ, հայտնում է ԱՌԿԱ-ն:

«Դա կլինի հայկական ընկերություն, որը համագործակցելով «Կամազի» և ամերիկյան մի ընկերության հետ, արտադրանք կտա, ինչը թույլ կտա ձեռնարկություն ստեղծել և արտահանում կազմակերպել»,-ասել է Ազիզյանը:

Ըստ փոխնախարարի, կա նման արտադրություն հիմնելու պատրաստակամություն և կան շուկաներ, որոնց հայկական կողմը կարող է առաջարկել արտադրանքը:

Նա հավելել է, որ համապատասխան որոշումը կառավարությունը կընդունի այս շաբաթ:

 Ուշագրավ
Հայաստանը 68-րդ հորիզոնականն է զբաղեցնում աշխարհի նորարար տնտեսությունների վարկանիշում
Հայկական պատվիրակությունը մեկնելու է Թեհրան
ՄԹ Առևտրի և ներդրումների հարցերով հանձնակատար Փրիթչարդն արդեն չորրորդ անգամ է այցելում Հայաստան