Նելլի Դուրյան. 2017-ի 9 ամսում ընտանեկան բռնության 602 դեպք է գրանցվել

Նելլի Դուրյան.  2017-ի 9 ամսում ընտանեկան բռնության 602 դեպք է գրանցվել

PanARMENIAN.Net - 2017թվականի 9 ամսվա ընթացքում գրանցվել է ընտանեկան բռնության 602 դեպք, որից 142-ով քրգործ է հարուցվել: Գրանցվել է իգական սեռի ներկայացուցիչներին բռնության ենթարկելու 1791 դեպք, անչափահասների նկատմամբ` բռնութան 146 դեպք, որից սեռական անձեռնմխելիության և ազատության դեմ հանցագործությունները 52-ն են:

ԱԺ-ում տեղի ունեցած «Ընտանեկան բռնության կանխարգելման և ընտանեկան բռնության ենթարկված անձանց պաշտպանության մասին» օրենքի նախագծի խորհրդարանական լսումների ժամանակ նման վիճակագրական նման տվյալներ է ներկայացրել ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը, հայտնում է Panorama.am-ը:

Նելլի Դուրյանի խոսքով՝ մոտ 20 տարի աշխատելով ընտանիքների, երեխաների հետ` ինքը պետք է փաստի` հայ ընտանիքներում բռնության դեպքերը բավական շատ են, ուստի՝ պետք է արվի ամեն ինչ, զոհերին, ինչպես նաև բռնություն կիրառած մարդկանց օգնելու նպատակով։

«Կարծում եմ, որ այս օրենքը դրան է միտված: Տարեկան 500-600 երեխա, կին բռնության է ենթարկում։ Սա համարել քիչ, այդքան էլ տեղին չէ», - ասել է Նելլի Դուրյանը՝ ավելացնելով, որ բռնության դեմ օրենքը կարող է օգնել, ոչ թե խանգարել:

Անչափահասների նկատմամբ սեռական ոտնձգությունների փորձերի 47 տոկոսը տեղի են ունենում ընտանիքում: Այդ մասին հայտարարել է ՀՀ արդարադատության նախարարի տեղակալ Վիգեն Քոչարյանը:

Ընթերցեք նաև.Ընտանեկան բռնության օրինագիծը. Ինչ է պետք իմանալ աղմկահարույց նախագծի մասին

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---