Մնացականյան. Արդբեջանի գործողություններն անպատասխան չեն մնա

Մնացականյան. Արդբեջանի գործողություններն անպատասխան չեն մնա

PanARMENIAN.Net - Շփման գծում իրավիճակն ավելի լարված է, քան անցյալ շաբաթ: Այդ մասին հայտարարել է Արցախի Պաշտպանության բանակի հրամանատար Լևոն Մնացականյանը լրագրողների հետ զրույցում:

«Ներկա պահին իրավիճակն ավելի լարված է, քան անցյալ շաբաթ: Ինչպես հայտնի է, շփման գծում վերջին երեք դեպքերը տեղի են ունեցել Արդբեջանի գործողությունների հետևանքով: Դրանք անպատասխան չեն մնա: Հակառակորդի սանձազերծած ցանկացած գործողության Պաշտպանության բանակի կողմից պատասխանները միշտ տրվում են համաչափ»,- ասել է Լևոն Մնացականյանը, հայտնում է Aysor.am-ը:

Անդրադառնալով այն հարցին, թե կոնկրետ վերջին օրերի գործողություններին տրվե՞լ են պատասխաններ, ՊԲ հրամանատարը պատասխանել է` «դեռևս ոչ»:

«Մենք առաջնորդվում ենք խնդրի խաղաղ կարգավորմամբ: Այսօր և վաղը ես հանդիպելու եմ ու իրավիճակին ծանոթացնելու եմ ԵԱՀԿ ներկայացուցիչներին»,- ասել է ՊԲ հրամանատարը ևս մեկ անգամ ընդգծելով` Ստեփանակերտը հավատարիմ է մնում խնդրի խաղաղ կարգավորման դիրքորոշմանը, սակայն հակառակորդի սադրանքներին տրվելու են պատասխաններ:

Հոկտեմբերի 22-ին, Ադրբեջանի զինված ուժերը խախտելով վերջերս ԵԱՀԿ Մինսկի խմբի համանախագահների միջնորդությամբ Հայաստանի և Ադրբեջանի նախագահների միջև Ժնևում տեղի ունեցած հանդիպման ժամանակ ձեռք բերված պայմանավորվածությունը, հակամարտ զորքերի շփման գծի հյուսիսարևելյան (Մարտակերտ-Մատաղիս) ուղղությամբ կիրառել են հրետանային զինատեսակներ, հայկական դիրքերի վրա արձակելով ականանետի 5 արկ և «Սպայկ» տիպի մեկ հակատանկային հրթիռ:

Հոկտեմբերի 23-ին՝ ժամը 15:05-ի սահմաններում, արցախա-ադրբեջանական հակամարտ զորքերի շփման գոտու արևելյան ուղղությամբ ադրբեջանական զինուժը խախտել է հրադադարի պահպանման ռեժիմը՝ կիրառելով Spyke տիպի կառավարվող հակատանկային հրթիռ

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---