// IP Marketing video - START// IP Marketing video - END

Տիգրան Մանսուրյանն արժանացել է «Համագործակցության աստղեր» մրցանակին

Տիգրան Մանսուրյանն արժանացել է  «Համագործակցության աստղեր» մրցանակին

PanARMENIAN.Net - Կոմպոզիտոր Տիգրան Մանսուրյանն արժանացել է «Համագործակցության աստղեր» մրցանակին: ԱՊՀ երկրների մարդասիրական «Համագործակցության աստղեր» միջպետական մրցանակի հանձնման խորհուրդը հրապարակել է 2016-ի դափնեկիրների անունները:

Մրցանակին հավակնում էր 12 թեկնածու 8 երկրից: Ժյուրիի որոշմամբ «Համագործակցության աստղեր» մրցանակին արժանացել է 8 թեկնածու, ասվում է հիմնադրամի կայքում:

Նշվում է, որ ՀՀ ժողովրդական արտիստ, կոմպոզիտոր Տիգրան Մանսուրյանը «հայ ժամանակակից կոմպոզիտորական դպրոցի ճանաչված առաջատարն է, նրա ստեղծագործությունները մեծ հաջողությամբ կատարվում են աշխարհի բոլոր երաժշտական մայրաքաղաքներում», նա վարպետորեն համադրում է ժամանակակից հայ երաժշտարվեստն ու ժողովրդական ավանդույթները:

Մրցանակը նաև դրամական մաս ունի՝ 2 միլիոն ռուբլի (16,7 մլն դրամ):

«Համագործակցության աստղեր» ամենամյա մրցանակը տրվում է ԱՊՀ երկրների ներկայացուցիչներին գիտության և կրթության, մշակույթի և արվեստի, հումանիտար ոլորտներում:

Դափնեկիրների պարգևատրման արարողությունը կկայանա Մոսկվայում դեկտեմբերին:

 Ուշագրավ
2019-ին էլ 20,000 դոլարի դրամաշնորհը կուղղվի հայկական գրչության կենտրոնների ինտերակտիվ քարտեզի ստեղծմանը
BAFTA-ի մրցանակների թվով առաջատար է դարձել Յորգոս Լանտիմոսի «Ֆավորիտուհին» ֆիլմը
Նրանց չորրորդ երեխային լույս աշխարհ կբերի փոխնակ մայրը
Վերջին, 8-րդ եթերաշրջանի գործողությունը կսկսվի Վինթերֆելում