Աբու Դաբիում բացվել է Լուվրի առաջին բաժանմունքը Մերձավոր Արևելքում11 նոյեմբերի 2017 - 12:19 AMT PanARMENIAN.Net - Ֆրանսիական արվեստների հանրահայտ թանգարանի՝ Լուվրի, առաջին բաժանմունքը բացվում է նոյեմբերի 11-ին Արաբական Միացյալ Էմիրությունների մայրաքաղաք Աբու Դաբիում: Բացման կապակցությամբ կանցկացվեն բազում համերգներ, ներկայացումներ ու երաժշտական ելույթներ՝ Ֆրանսիայի և Պարսից ծոցի երկրների արվեստի գործիչների մասնակցությամբ: Թանգարանը կառուցվել է արհեստական կղզու վրա, որը երեք կողմից շրջապատված է Պարսից ծոցի ջրերով: Շինարարությունը սկսվել էր 10 տարի առաջ: Շինության ճարտարապետն է ֆրանսիացի Ժան Նովելը, դիզայնն արտացոլում է Էմիրությունների ոգին՝ ձգտումը աշխարհի առավել արդիական նվաճումներին Արաբական թերակղզու ավանդույթներին զուգահեռ: Թանգարանի շենքի ամենաուշագրավ մասն անսովոր 8-հարկանի գմբեթաձև տանիքն է, որը ծածկելով թանգարանի համալիրը, միաժամանակ թույլ է տալիս արևի շողերին ներս թափանցել բազում անցքերից: Գմբեթի տրամաչափը 180 մ է, քաշը՝ 7.700 տոննա, գրում է ՌԻԱ Նովոստին: Թանգարանի մակերեսը գրեթե 100.000 քմ է: Ակնկալվում է, որ այն կլինի աշխարհի 5 խոշորագույն թանգարաններից մեկը, որոնք կան աշխարհում Լուվր անվանումով: Աբու Դաբիի թանգարանը կկարողանա Լուվր կոչվել 30 տարի և 6 ամիս: Թանգարանի պաշտոնական բացումը տեղի է ունեցել մի քանի օր առաջ Աբու Դաբիի թագաժառանգ Մուհամմեդ բեն Զեյիդ Ալ Նահայանի, Ֆրանսիայի նախագահ Էմանուել Մակրոնի, Բահրեյնի, Մարոկկոյի, Աֆղանստանի նախագահների ներկայությամբ: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |