«Զվեզդան»՝ հերթական սկանդալի կենտրոնում. Չեխիայի նախագահը «խելագար» է անվանել հոդվածագրին23 նոյեմբերի 2017 - 13:10 AMT PanARMENIAN.Net - Չեխիայի նախագահ Միլոշ Զեմանը ՌԴ վարչապետ Դմիտրի Մեդվեդևի հետ հանդիպմանը նոյեմբերի 22-ին «խելագար» է անվանել հոդվածի հեղինակին, որը հրապարակվել է ՌԴ ՊՆ «Զվեզդա» հեռուստաալիքի կայքէջում: Զեմանը, որը Մեդվեդևի հետ հանդիպմանն էր բերել այդ հրապարակման պատճենը, հավելել է, որ այդ հոդվածի պատճառով իրեն նույնիսկ առաջարկում էին ընդհատել այցը Ռուսաստան: Նոյեմբերի 21-ին «Զվեզդան» հրապարակել է «Չեխոսլովակիան պետք է երախտապարտ լինի Ռուսաստանին 1968թ. համար. «Պրահայի գարնան» պատմությունը» վերտառությամբ հոդվածը, որն ավելի ուշ հեռացվել էր առանց պատճառաբանության, սակայն, տեքստը պահպանվել է Google-ի քեշում, գրել է Deutsche Welle-ն: Հոդվածի հեղինակն է Լեոնիդ Մասլովսկին, որը ամեն շաբաթ է հոդված գրում «Զվեզդայի» համար: Հոդվածի վերջում նշված էր, որ արտահայտված մտքերը հեղինակի անձնական կարծիքն են արտահայտում և կարող են «չհամընկնել խմբագրության կարծիքի հետ»: Հոդվածում, մասնավորապես, ասվում էր, որ Պրահան պետք է երախտապարտ լինի Մոսկվային, քանի որ «զորքերի մուտքը Չեխոսլովակիա 1968-ին թույլ չտվեց Արևմուտքին պետական հեղաշրջում անել այնտեղ: Արդյունքում, չեխերը խուսափեցին մեծաքանակ զոհերից, որոնք միշտ լինում են պետական հեղաշրջումների ժամանակ»,-գրել է Մասլովսկին: Զեմանը խնդրել է Մեդվեդևին հրապարակավ հավաստիացնել, որ նման մոտեցումը «ոչ մի ընդհանուր բան չունի» ՌԴ իշխանությունների դիրքորոշման հետ: «Պատրաստ եմ դա հաստատել»,-ասել է Մեդվեդևը: Ինչպես նշում է Radio Praha-ն, իրենց վրդովմունքն են հայտնել նաև Չեխիայի ԱԳ նախարար Լուբոմիր Զաորալեկը և ՊՆ ղեկավար Մարտին Ստրոպնիցկին: 1968-ի օգոստոսի 20-ին, ժամը՝ 22։15-ին ռուսական-խորհրդային սահամանային դիվիզիանները ներխուժում են Չեխոսլովակիա, զավթում օդանավակայանը։ Ինտերվենցիային մասնակցում են 26 դիվիզիա, 5.000 տանկ և զրահամեքենա, 500.000 զինվոր և սպա։ Այսպես է Մոսկվան արձագանքում մարդկային դեմքով սոցիալիզմ կառուցելու Չեխոսլովակիայի իշխանություններին: Օգոստոսի 21-ի լուսաբացին խորհրդային-ռուսական տանկերը մտնում են Պրահա, շրջափակում կոմկուսի շենքը։ Ալեքսանդր Դուբչեկին և մի շարք պաշտոնյաների ձերբակալում են և նույն օրը տեղափոխում Մոսկվա։ Ներխուժման առաջին մի քանի օրերին զավթիչների և ցուցարարների բախումներից զոհվում են 108 և վիրավորվում ավելի քան 500 քաղաքացի, ինչպես նաև զոհվում են խորհրդային 11 զինվոր և սպա, վիրավորվում մի քանի տասնյակը։ Ներխուժմանը հաջորդող ամիսներին երկրից արտագաղթում է 300.000 մարդ։ «Զվեզդան» առաջին անգամը չէ, որ հայտնվումն է սկանդալի կենտրոնում: Նոյեմբերի 19-ին ՌԴ ՊՆ ալիքը համարվող «Զվեզդա» հեռուստաալիքի եթերում «Կանխատեսումներ Վերոնիկա Կրաշեննիկովայի հետ» հաղորդման ժամանակ հաղորդավարը քննադատել է Երևանին ԵՄ հետ գործընկերության մասին համաձայնագիր ստորագրելու մտադրության համար, նաև ֆաշիստ է անվանել հայ ռազմական և ազգային գործիչ Գարեգին Նժդեհին և համեմատել է ՀՀԿ-ականներին ֆաշիստների հետ: Իսկ 1 օր անց հաղորդումը հանվել է եթերից: Ռուսաստանի ՊՆ «Զվեզդա»հեռուստաալիքի նախագահը ներողություն է խնդրել«Կանխատեսումներ Վերոնիկա Կրաշեննիկովայի հետ» հաղորդման ժամանակ Հայաստանի հասցեին հնչած ոչ կոռեկտ արտահայտությունների և գնահատականների համար: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Ըստ ԱԺԲ–ի՝ իրենց անդամներին բռնության են ենթարկել․ 96 բերման ենթարկված կա Նա ասել է, որ որ ոստիկանության բաժանմունքներում իրենց անդամները «ծեծի են ենթարկվել», կան տուժածներ Լեմկինի ինստիտուտի տնօրեն․ Ինչպես երիտթուրքերը, Ալիևը նույնպես ատելություն է տածում հայերի նկատմամբ Նրա հոդվածը հրապարակվել է Newsweek պարբերականում Հայոց ցեղասպանության 109-րդ տարելիցի համատեքստում Ալիև․ Հայաստանի հետ պետսահմանի մոտ 10-12 կմ–ն արդեն կարելի է սահմանազատված համարել Նա նաև խոսել է հայկական կողմի հետ կանոնավոր շփումների մասին Պատել․ ԱՄՆ–ն ողջունում է Հայաստանի և Ադրբեջանի միջև սահմանազատման գործընթացի մեկնարկը «Դա կարևոր քայլ է տևական և արժանապատիվ խաղաղություն հաստատելու ճանապարհին»,–ասել է նա |