Միջազգային ԶԼՄ-ները` ՀՀ-ԵՄ համաձայնագրի մասին․ ՌԴ-ն փաստաթղթում նախորդից քիչ սպառնալիք է տեսնում25 նոյեմբերի 2017 - 13:38 AMT PanARMENIAN.Net - Բրյուսելում նոյեմբերի 24-ին Հայաստանի և Եվրամիության միջև ստորագրված Համապարփակ և ընդլայնված գործընկերության նոր համաձայնագիրը հիմնականում չեզոք արձագանք է գտել միջազգային մամուլում: Ի տարբերություն Արևելյան գործընկերության 2013-ի գագաթնաժողովի, որի ընթացքում Ուկրաինայի նախկին նախագահն անակնկալ կերպով հրաժարվեց Եվրամիության հետ համաձայնագրի ստորագրումից, այս անգամ ԵՄ-ին հաջողվեց շրջանցել տհաճ անակնկալները, գրում է Fox Business-ը: «ԵՄ-ն տարիներ վատնեց Հայաստանի հետ [Ասոցացման] համաձայնագրի շուրջ բանակցությունների վրա, արդյունքում Հայաստանը ստորագրումից ընդամենը օրեր առաջ հայտարարեց ԵԱՏՄ-ին միանալու մասին», - գրում է կայքը և հավելում, որ Բրյուսելում նոյեմբերի 24-ին ստորագրված համաձայնագիրը, չնայած խորացնում է ՀՀ-ԵՄ գործակցությունը տնտեսական, էներգետիկ և տրանսպորտի ոլորտներում, չի առաջարկում ոչինչ Հայաստանի՝ եվրոպական ճամբարին լիարժեք անդամակցության ուղղությամբ: «ԵՄ դիվանագետներն իրենք են ասում, որ նպատակ չունեն ԱլԳ անդամ երկրներին Բրյուսելի և Մոսկվայի միջև երկընտրանքի առջև դնելու: Ռուսաստանը մեծացնում է ճնշումը Հայաստանի վրա՝ Ադրբեջանին զենք վաճառելու միջոցով, որի հետ Հայաստանը տևական հակամարտության մեջ է», - եզրափակում է Fox Business-ը: Euobserver-ը ծավալուն հոդվածով անդրադարձել է ՀՀ-ԵՄ նոր համաձայնագրին: Գործակալությունը գրում է, որ նոր համաձայնագիրը չի կարող փոխարինել 2013-ին Հայաստանի կողմից չստորագրված Ասոցացման համաձայնագրին, այն չունի ազատ առևտրի բաղադրիչ, քանի որ Հայաստանն այլ մաքսային միության մեջ է: «Մոսկվան ավելի քիչ սպառնալիք է տեսնում այս համաձայնագրի մեջ, քան նախորդի», - գրում է գործակալությունը: Միևնույն ժամանակ գործակալությունը համարում է համաձայնագրի ստորագրումը անկյունքարային ՀՀ-ԵՄ հարաբերություններում, որը միջին մակարդակի վրա է դնում երկկողմ հարաբերությունները: Նոյեմբերի 24-ին Բրյուսելում մեկնարկել է ԵՄ Արևելյան գործընկերության գագաթնաժողովը, որի մասնակիցներին նիստի մեկնարկից առաջ ողջունել են ԵԽ նախագահ Դոնալդ Տուսկը, Եվրոպական հանձնաժողովի նախագահ Ժան-Կլոդ Յունկերը և ԵՄ խորհրդի նախագահող երկրի` Էստոնիայի վարչապետ Յուրի Ռատասը: Գագաթնաժողովին ՀՀ Նախագահ Սերժ Սարգսյանը հանդես է եկել ելույթով։ Համաձայնագրի շուրջ բանակցությունները տևել են երկու տարի։ Այն նախաստորագրվել է 2017-ի մարտի 21-ին: Նախաստորգրված համաձայնագրի տեսքտը ավելի ուշ ներկայացվել է հանրության դատին, որը հիմնականում դրական է գնահատվել փորձագիտական շրջանակների կողմից: Ակնկալվում է, որ համաձայնագրի ստորագրումով Հայաստանում նոր բարեփոխումների սկիզբ է կդրվի: 2015-ի հոկտեմբերի 13-ին Եվրամիության 28 անդամ պետությունները Լյուքսեմբուրգում մանդատ են տրամադրել Հայաստանի և ԵՄ-ի միջև նոր համաձայնագիր ստորագրելու շուրջ բանակցությունների մեկնարկի համար: Նոր համաձայնագիրը կփոխարինի ներկայումս գործող Հայաստան-ԵՄ Գործընկերության և գործակցության համաձայնագրին: Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը Ամենաընթերցվողը բաժնում | Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի Նախապատրաստական աշխատանքներ են ընթանում «Ազատություն»․ՀՀ–ն, ըստ նախնական համաձայնության, առաջին անգամ օգնություն կստանա ԵՄ Խաղաղության հիմնադրամից Գումարը, ըստ փաստաթղթի, պետք է տրամադրվի մեկ գումարտակի համար նախատեսված դաշտային մոդուլային ճամբար ստեղծելու համար ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ |