Ադրբեջանը չի ընդունել ՌԴ նոր դեսպանի թեկնածությունը «հայամետ դիրքորոշման» համար

Ադրբեջանը չի ընդունել ՌԴ նոր դեսպանի թեկնածությունը «հայամետ դիրքորոշման» համար

PanARMENIAN.Net - Բաքուն համաձայնություն չի տվել Ռուսաստանի ԱԳՆ-ին Ադրբեջանում ՌԴ դեսպանի պաշտոնում Գեորգի Զուևի թեկնածության վերաբերյալ: Պատճառը Զուևի «հայամետ դիրքորոշումն է»:

Ըստ դիվանագիտական հարաբերությունների կանոնների, դեսպանի նշանակումից առաջ ընդունող կողմը պետք է իր համաձայնությունը տա՝ ագրեմանը: Ադրբեջանը հրաժարվել է նման ագրեման տալ Գեորգի Զուևին, հայտնում է ադրբեջանական Haqqin.az-ը ՌԴ ԱԳՆ-ում աղբյուրների վրա հղումով:

Զուևի թեկնածությունն արդեն հաստատվել էր ՌԴ Պետդումայի ԱՊՀ գործերի կոմիտեում: Զուևը փորձառու դիվանագետ է, զբաղեցնում է ՌԴ ԱԳՆ կադրերի դեպարտամենտի փոխտնօրենի պաշտոնը:

Նոյեմբերի 27-ին հայտնի դարձավ, որ ՌԴ նախագահ Վլադիմիր Պուտինը հետ է կանչել Ադրբեջանում ՌԴ դեսպան Վլադիմիր Դորոխինին:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---