Հայաստանի մայրաքաղաքն ազդեցիկ մշակույթ ունի, միևնույն ժամանական այն հարազատ տունը հիշեցնող հյուրընկալ քաղաք է, այս մասին SUR պարբերականում գրել է վերջերս Հայաստան այցելած գրող, ճանապարհորդ Էնդրյու Ֆորբսը:
Նրան հատկապես գրավել է հայկական ազգային խոհանոցը՝ դոլման, ժինգյալով հացը, լավաշը, Արարատյան դաշտավայրի համեղ պտուղները, հայկական գինին և կոնյակը:
«Պատրաստ եղիր Հայաստանում շատ բան ճաշակելուն, յուրաքանչյուր կենաց սեղանի շուրջ կարող է ավելի պոետիկ լինել քան նախորդը. կենացները նվիրվում են հայրենիքին, ընկերներին, ընտանիքին և ուտելիքին», - պատմում է Էնդրյու Ֆորբսը:
Գրողը Հայաստանում այցելել է նաև թանգարաններ, Հայոց ցեղասպանության զոհերի հիշատակին նվիրված հուշահամալիր, Մատենադարան, պատմամշակութային վայրեր: Նրան տպավորել է հատկապես Տաթևի վանքը:
Ֆորբսը եղել է նաև Արցախում: Նրա տպավորությամբ այն նման չէ պատերազմի մշտական վտանգի տակ ապրող երկրամասի:
