// IP Marketing video - START// IP Marketing video - END

2018-ի մայիսին կրկին կանցկացվեն «Երևանի գինու օրեր»

2018-ի մայիսին կրկին կանցկացվեն «Երևանի գինու օրեր»

PanARMENIAN.Net - 2018-ի մայիսի 4-5-ին երկրորդ անգամ կանցկացվի «Երևանի գինու օրեր» միջոցառումը, որի շրջանակում ՀՀ և Արցախի գինեգործները կներկայացնեն իրենց արտադրանքը: Այդ մասին ասվում է կազմակերպիչների հայտարարության մեջ:

Միջոցառումը կանցկացվի Սարյան-Թումանյան-Արամի խաչմերուկների հատվածում, ժամը 18:00-23:00-ի հատվածում:

«Երևանի գինու օրերի» պատվավոր հյուրերն են լինելու միջազգային գինեգետներ, ճանաչված սննդի բլոգերներ (Food bloggers):

Միջոցառման նպատակը նույնն է՝ խթանել զբոսաշրջությունը և ապահովել Հայաստանի՝ որպես գինու հնագույն օրրանի ճանաչելիությունը: Տուրիզմի զարգացումն անմիջական ազդեցություն է ունենում երկրում գործող բիզնեսների առաջխաղացման, հեղինակության ստեղծման կամ բարձրացման և այլ գործոնների վրա, ինչպես նաև ապահովում կայուն ֆինանսական ներհոսք:

Միջոցառման կազմակերպիչներն ունեն պայմանագրեր հայկական և միջազգային տուրօպերատորների հետ. վերջիններս ապահովելու են զբոսաշրջիկների մեծ հոսք Ռուսաստանից, Իրանից, Գերմանիայից, Իսպանիայից, Իտալիայից, Ֆրանսիայից և այլ երկրներից:

2017թ-ի միջոցառման 2 օրում այցելել է ավելի քան 25.000 տեղացի և զբոսաշջիկ:

«Երևանի գինու օրերը» հիանալի հնարավորություն են ընձեռելու հայ գինի արտադրողներին, լավագույն ռեստորաններին և կամ այլ ծառայություններ մատուցող հայկական ընկերություններին՝ ներկայանալ հայ և միջազգային այցելուներին, ցուցադրել իրենց արտադրանքը, նոր գործընկերներ ձեռք բերել և իրականացնել մարքեթինգային այլ ակցիաներ:

 Ուշագրավ
«Խստորեն դատապարտում եմ ոտնձգության փաստը և ողջունում եմ ՀՀ մարդու իրավունքների պաշտպան Արման Թաթոյանի արագ ու համարժեք արձագանքը»,-ասվում է Մելիքյանի գրառման մեջ
Դրանց թվում նաև «Գազպրոմի» լցակայաններն են
ՌԴ-ից Հայաստան իրականացվել է 79.000 ուզևորություն, ինչը 22 տոկոսով ավելի է, քան 2017-ի նույն շրջանում