Երեւանի քաղաքապետարանը պահանջում է դադարեցնել չարտոնված հանրահավաքներն ու երթերը25 փետրվարի 2008 - 21:28 AMT PanARMENIAN.Net - Չարտոնված հանրահավաքներն ու երթերը խախտում են Երեւանի կյանքի նորմալ ընթացքը, տրանսպորտային խցանումներ են ստեղծվում կենտրոնական փողոցներում, հրապարակներում եւ մայրաքաղաքի խաչմերուկներում, ինչպես նաեւ խանգարում են քաղաքացիների ազատ երթեւեկությանը: Այդ մասին ասվում է Երեւանի քաղաքապետարանի մամլո ծառայությունում: «Երեւանի քաղաքապետարանը կոչ է անում կազմակերպիչներին եւ մասնակիցներին դադարեցնել չարտոնված հանրահավաքները եւ նստացույցը: Հինգերորդ օրն անընդմեջ խախտվում է ՀՀ օրենքը «Ժողովներ, հանրահավաքներ, երթեր եւ ցույցեր անցկացնելու մասին»: Հանրահավաքների անցկացման վայրերում հակահիգիենիկ եւ հակասանիտարական պայմաններ են ստեղծվել, գիշերը Ազատության հրապարակում չեն հետեւում լռության պահպանության կանոններին, ինչը խախտում է մոտակայքում բնակվող քաղաքացիների անդորրն ու հանգիստը, ինչը առաջացնում է բնակիչների արդարացված դժգոհությունները: Քաղաքապետարան են դիմում հազարավոր երեւանցիներ, հայտնելով իրենց անհանգստությունը: Անընդունելի համարելով ստեղծված իրավիճակը` քաղաքապետարանը կոչ է անում զանգվածային միջոցառումների կազմակերպիչներին եւ մասնակիցներին դադարեցնել չարտոնված հանրահավաքները, երթերն ու նստացույցը եւ վերականգնել մայրաքաղաքի կյանքի նորմալ ընթացքը»,- ասվում է հաղորդագրության մեջ:Հիշեցնենք, որ փետրվարի 20-ից Երեւանի Ազատության հրապարակում անցնում է արմատական ընդդիմության հանրահավաքը, որը համաձայն չէ քվեարկության արդյունքների հետ: Հայաստանի ԿԸՀ-ի ներկայացրած վերջնական արդյունքների համաձայն, Հայաստանի նոր նախագահ է ընտրվել Սերժ Սարգսյանը, ով հավաքել է ընտրողների ձայների 52,82 տոկոսը: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր Հյուրերը շրջել են նաև Հայոց ցեղասպանության թանգարանում Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Սերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |