Facebook-ի նախկին գործադիր տնօրենը հորդորել է ավելի քիչ օգտվել սոցցանցից13 դեկտեմբերի 2017 - 15:32 AMT PanARMENIAN.Net - Facebook-ի նախկին գործադիր տնօրեն Չամատ Պաիհապիտյան, որը պատասխանատու էր օգտատերերի քանակի աճի համար, ներողություն է խնդրել այն բանի համար, որ աշխատել է մի ընկերությունում, որը «հսկայական վնաս է հասցնում հանրությանը»: Սթենֆորդի բիզնեսի բարձրագույն դպրոցում իր ելույթի ժամանակ նա խոստովանել է, որ իրեն մեղավոր է զգում սոցցանցի զարգացմանը նպաստելու համար: «Կարծում եմ, մենք գործիքներ ենք ստեղծել, որոնք խզում են հանրության բուն սոցիալական կառուցվածքը: Դա իրոք գլոբալ խնդիր է՝ հետադարձ կապի բոլոր այդ կարճ սեանսները խախտում են այն սկզբունքները, թե ինչպես պետք է մարդիկ գործակցեն: Այդ ամենը միտումնավոր չի արվել: Դուք չեք գիտակցում, բայց դուք ծրագրավորված եք: Պատկերացրեք, որ վատ տղաները կարող են հսկայական քանակի մարդկանց մանիպուլացիայի ենթարկել: Սա շատ վատ իրավիճակ է»,-ասել է Չամատ Պաիհապիտյան, գրում է Bird in Flight-ը: Նա նաև խորհուրդ է տվել բոլորին նվազագույնի հասցնել Facebook-ի կիրառումը՝ հավելելով, որ նույնիսկ իր երեխաներին է արգելում օգտվել «այդ գարշանքից»: «Դուք պետք է որոշեք, թե որքանով եք անկախ ինտելեկտուալ տեսակետից»,-ասել է նա: Հետաքրքիր է, որ Չամատ Պաիհապիտյան սոցցանցի առաջին աշխատակիցը չէ, որ նման հայտարարություն է արել: Նախկինում Facebook-ի մասին քննադատաբար է խոսել սոցցանցի համահիմնադիր Շոն Փարքերը և նախկին մենեջեր Անտոնիո Գարսիա-Մարտինեսը, որը մեղադրել է սոցցանցի ղեկավարությանը ստի մեջ: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |