ՀՀ նախագահ. Բուհերում կսովորեն նրանք, ովքեր իրոք ուզում են բարձրագույն կրթություն ստանալ (վիդեո) 15 դեկտեմբերի 2017 - 10:56 AMT PanARMENIAN.Net - Բուհերում կսովորեն նրանք, ովքեր իրոք ուզում են բարձրագույն կրթություն ստանալ, ոչ թե բանակից խուսափողները: Այսպիսի հայտարարություն է արել ՀՀ նախագահ Սերժ Սարգսյանը «Արմենիա» հեռուստաընկերությանը տված հարցազրույցում՝ անդրադառնալով «Զինապարտության ու զինծառայողի կարգավիճակի մասին» օրենքի տարկետման վերաբերյալ դրույթներին: Նախագահը հիշեցրել է, որ սովորողներին ծրագրերից մեկով առաջարկվում է տարկետման իրավունք, այն պայմանով, որ ավարտելուց հետո ծառայեն որպես սպաներ: «Ընդդիմադիրները, որոնք չեն ցանկանում, որ այդպես լինի, ներկայացնում են, թե իբր վերացվում է տարկետման իրավունքը. չի՛ վերացվում: Մյուս կողմից՝ մշտապես խոսում էին այն մասին, որ սոցիալական անարդարություն կա, որ հարուստների զավակները չեն ծառայում, պետական պաշտոնյաների զավակները չեն ծառայում, իսկ հարց է առաջանում, առաջին հերթին այսօրվա գործող տարկետման իրավունքից ո՞վ է օգտվում՝ սոցիալապես անապահով խա՞վը, ակնհայտ է չէ, որ ավելի բարեկեցիկ ընտանիքների երեխաներն ավելի մեծ հնարավորություն ունեն ուսանելու բարձրագուն ուսումնական հաստատություններում », - ասել է ՀՀ նախագահը: Սերժ Սարգսյանը հավելել է, որ դրանով այդ անարդարությունն էլ է վերացվում, և դա ազդելու է նաև կրթության, բուհական համակարգի վրա, բարձրանալու է բուհական համակարգի որակը: ՀՀ նախագահ Սերժ Սարգսյանր նոյեմբերի 29-ին ստորագրել է Ազգային ժողովի կողմից ընդունած «Զինվորական ծառայության և զինծառայողի կարգավիճակի մասին» օրենքում փոփոխություններ և լրացումներ կատարելու մասին օրենքը: Ըստ օրենքի,տարկետում կստանան միայն այն քաղաքացիները, ովքեր պայմանագիր կկնքեն պաշտպանության նախարարության հետ և կպարտավորվեն ուսումն ավարտելուց հետո բանակում ծառայել արդեն երեք տարի ժամկետով: Հակառակ պարագայում նրանք 18 տարին լրանալուն պես երկու տարով կզորակոչվեն բանակ: «Հանուն գիտության զարգացման» նախաձեռնության անդամ ուսանողները պնդում են, որ օրենքը կխոչընդոտի գիտության զարգացմանը։ Նրանք դասադուլ հայտարարեցին, իսկ հետո նրանցից 5-ը նաև հացադուլ: ԱԺ նախագահ Արա Բաբլոյանի ու փոխնախագահ Էդուարդ Շարմազանովի հետ հանդիպումից հետո ուսանողները դադարեցրին հացադուլն ու դասադուլը և անցան կլոր սեղան ձևաչափով քննարկումների։ Ընթերցեք նաև.ՀՀ նախագահ. Առաջիկայում կբացառվեն ոչ միայն դիվերսիաները, այլև հակառակորդի այլ գործողությունները (վիդեո) Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Ըստ ՌԴ ԱԳՆ–ի՝ ԵՄ հետ առանց վիզայի ռեժիմը բացասաբար կազդի ՀՀ անվտանգության վրա Նշվել է, որ դա կնպաստի հեռանկար ունեցող երիտասարդների արտահոսքին Women in Business of Armenia կոնֆերանս՝ Visa-ի և EBRD-ի կազմակերպմամբ Պանելային քննարկմանը մասնակցել է նաև Evoca-ի Վարչության նախագահի տեղակալ Տաթևիկ Խաչատրյանը Ucom-ի գլխավոր տնօրենը ելույթ է ունեցել աշխատաշուկային նվիրված համաժողովին Նա TED Talks ձևաչափով խոսել է «Նոր ղեկավարման ոճ: Թվային փոխակերպում» թեմայի շուրջ Ստանո․ Բլինքեն-Փաշինյան -Ֆոն դեր Լայեն հանդիպումը նվիրված չի լինելու «անվտանգության երաշխիքներին» ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու |