Forbes-ի՝ պատմության մեջ ամենաբարձր վարձատրվող մարզիկների ցանկը գլխավորում է Մայքլ Ջորդանը

16 դեկտեմբերի 2017 - 12:40 AMT

PanARMENIAN.Net - Forbes-ը հրապարակել է պատմության մեջ ամենաբարձր վարձատրվող մարզիկների ցանկը: Ցուցակը գլխավորում է լեգենդար բասկետբոլիստ Մայքլ Ջորդանը, որը վաստակել է 1,85 մլրդ դոլար:

Երկրորդ հորիզոնականում գոլֆիստ Թայգեր Վուդսն է 1,7 միլիարդ դոլարով: Երրորդ և չորրորդ հորիզոնականներում նույնպես գոլֆիստներ են՝ Առնոլդ Փալմերը 1,4 մլրդ դոլարով և Ջեկ Նիքլաուսը 1,2 միլիարդով, գրում է Eurosport-ը:

5-րդ հորիզոնականում Միխայել Շումախերն է («Ֆորմուլա-1») 1 միլիարդ դոլարով:

6-րդը Ֆիլ Միքելսոնն է, նույնպես գոլֆիստ, 815 միլիոնով: 7-րդ հորիզոնականը կիսում են բասկետբոլիստ Կոբե Բրայանտն ու ֆուտբոլիստ Դևիդ Բեքհեմը՝ 800-ական մլն դոլորավ:

8-րդը բռնցքամարտիկ Ֆլոյդ Մեյուեզերն է 785 մլն դոլարով, իսկ լավագույն 10-յակը եզրափակում են բասկետբոլիստներ Շաքիլ Օ՛Նիլն ու Լեբրոն Ջեյմսը՝ 735-ական մլն դոլարով:

Կրիշտիանու Ռոնալդուն 12-րդն է 725 մլն դոլարով, Լիոնել Մեսսին՝ 16-րդը, 600 մլն դոլարով:

25-րդ հորիզոնականում թենիսիստ Անդրե Աղասին է 470 մլն դոլարով:

Ցանկը կազմելիս հաշվի են առնվել մարզիկների բոլոր եկամուտները, այդ թվում՝ աշխատավարձերը, հովանավորների և մրցանակային գումարները:

Հղումներ թեմայով.

eurosport.ru. Джордан – первый среди самых высокооплачиваемых спортсменов в истории, Роналду и Месси – вне топ-10