Վազորդ Ուսեյն Բոլտը մտադիր է կարիերան որպես ֆուտբոլիստ շարունակել

PanARMENIAN.Net - 100 մ վազքում 8-ակի օլիմպիական չեմպիոն Ուսեյն Բոլտը մտադիր է կարիերան շարունակել որպես ֆուտբոլիստ:

«Վնասվածքն անցյալում է, ես կրկին գերազանց մարզավիճակում եմ: Մարտին դիտում եմ անցնելու «Բորուսիայում», որից հետո պարզ կդառնա, կկարողանամ արդյոք ֆուտբոլային կարիերա սկսել: Եթե ինձ ասեն, որ ես գոհացնում եմ իրենց և հարկավոր է մի քիչ մարզվել, ես այդպես էլ կանեմ»,-ասել է մարզիկը, գրում է Lenta.ru-ն Daily Express-ի վրա հղումով:

Մարզիկը պատմել է, որ երազում է հանդես գալ «Մանչեսթեր Յունայթեդի» կազմում: «Ես խոսել եմ Ալեքս Ֆերգյուսոնի հետ և խնդրել եմ նրան բարեախոսել ինձ համար: Նա պատասխանել է, որ եթե ես առողջ լինեմ և լավ մարզավիճակում, նա կտեսնի, թե ինչ կարելի է անել»,-ասել է նա:

Հունիսին մարզիկն արդեն հայտարարել էր, որ մտաիրդ է մարզվել «Բորուսիայի» հետ՝ խոստովանելով, որ «Մանչեսթեր Յունայթեդի» երկրպագուն է և երազում է խաղալ այդ թիմի կազմում:

2017-ի օգոստոսին Բոլտը մասնակցում էր 100-ական մետր 4 փոխանցավազքի Լոնդոնի աշխարհի առաջնությունում, սակայն վնասվածք ստացավ և չհասավ եզրագծին: Նույն առաջնությունում նա բրոնզ նվաճեց: Այդ մրցաշարը վերջինը դարձավ Բոլտի կարիերայում:

Բոլտը 8-ակի օլիմպիական չեմպիոն է և աշխարհի 11-ակի չեմպիոն, և 100 մ (9,58 վայրկյան) և 200 մ (19,19 վայրկյան) դիստանցիայի մրցավազքերի ռեկորդակիր: