ԱՄՆ-ում աճուրդի կհանվի Հիտլերի «Մերսեդեսը»13 հունվարի 2018 - 14:27 AMT PanARMENIAN.Net - ԱՄՆ Արիզոնա նահանգի Worldwide Auctioneers աճուրդի տունը հայտարարել է, որ աճուրդի կհանի «բաց վաճառքում հայտնված պատմական ամենանշանակալի ավտոմեքենան»: Դա չափազանցություն չէ. Daimler-Benz գերմանական գործարանի 1938թ. թվագրված անշուք փաստաթղթի վրա «պատվիրատու» բաժնում գրված է՝ «ֆյուրեր և ռայխսկանցլեր»: Այն, որ վաճառքի կհանվի Ադոլֆ Հիտլերի ավտոմեքենան, իրոք կարելի է սենսացիա համարել, գրում է Deutsche Welle-ն: Աճուրդը կանցկացվի հունվարի 17-ին: Ստացվելիք գումարի 10 տոկոսը կհատկացվի նացիոնալ-սոցիալիզմի մասին կրթական նախագծերին: Նացիստական բռնապետի «Մերսեդեսի» պատմությունը լավ փաստաթղթագրված է: Մեքենան պատվիրելու և պատրաստելու մասին հոգ է տարել Հիտլերի անձնական վարորդը՝ ՍՍ զորքերի օբերշտուրմբանֆյուրեր Էրիխ Կեմպկան: Մեքենայի ստեղծման համար հիմք է ծառայել Mercedes-Benz770K մոդելը, որի գործարանային ինդեքսն է՝ W150: Դա ճոխ ավտոմեքենա էր, որը նախատեսված էր հիմնականում բարձրաստիճան պաշտոնյաների համար: Հիտլերն օգտագործել է «Մերսեդեսը» հատուկ արարողությունների ժամանակ: Օրինակ՝ 1940-ին Ֆրանսիայի հանդեպ Երրորդ Ռայխի տարած հաղթանակին նվիրված զորահանդեսի ժամանակ, կամ իտալացի բռնապետ Բենիտո Մուսսոլինիի Մյունխեն այցի ժամանակ: Սակայն 1942-ից հետո, երբ բեկում գրանցվեց երկրորդ համաշխարհայինի ընթացքում և հիտլերյան զորքերը սկսեցին պարտություն կրել, ավտոշքերթներ այլևս չէին անցկացվում: 1945-ին, Գերմանիայի կապիտուլացիայից հետո, Հիտլերի ավտոմեքենան հայտնվեց ԱՄՆ բանակի տնօրինության տակ, ավելի ուշ՝ մասնավոր մի անձի, իսկ հետո բազմիցս փոխել է սեփականատերին: Ներկայիս սեփականատիրոջ անունը գաղտնի է պահվում: Հղումներ թեմայով. Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | ՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործում Խոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ Փաստաբան․ Քերոբյանի գործով քննությունն անարդյունավետ է, սահմանափակումները՝ ոչ համաչափ Ըստ նրա, բոլոր գործողությունները հնարավոր էր իրականացնել 2 ամսում Մախսուդյան․ Փաշինյանը երաշխիք է տվել` ոսկեպարցիների ուզածով է լինելու Մախսուդյանը Վերին Ոսկեպարի մասին հարց է ուղղել, Փաշինյանն ասել է, որ փորձելու են անկլավների հետ փոխանակել |