// IP Marketing video - START// IP Marketing video - END

ԵԽԽՎ-ում Սարգսյանի ելույթի ժամանակ բողոքող ադրբեջանցին դահլիճից դուրս է բերվել

ԵԽԽՎ-ում Սարգսյանի ելույթի ժամանակ բողոքող ադրբեջանցին դահլիճից դուրս է բերվել

PanARMENIAN.Net - ԵԽԽՎ ձմեռային նստաշրջանում ՀՀ նախագահ Սերժ Սարգսյանի ելույթի ընթացքում անվտանգության աշխատակիցները նիստերի դահլիճից ադրբեջանցու են դուրս բերել, ով պարզել էր ԼՂՀ սահմանն ապօրինի հատած ադրբեջանցի դիվերսանտներ Դիլհամ Ասկերովի և Շահբազ Գուլիևի լուսանկարները: Այս մասին իր ֆեյսբուքյան էջում գրառում է կատարել հենց ինքը՝ նկարները պարզած Ահմադ Շահիդովը:

2014 թվականին Ստեփանակերտում Լեռնային Ղարաբաղի Հանրապետության պետական սահմանը Քարվաճառի ուղղությամբ ապօրինի հատած ադրբեջանական հետախուզական-դիվերսիոն խմբի երկու անդամներից Ադրբեջանի Հանրապետության քաղաքացի Շահբազ Գուլիևը (ծնվ.1968 թ.) դատապարտվել է22 տարվա ազատազրկման, իսկԴիլհամ Ասկերովը (ծնվ. 1960 թ.)՝ ցմահ:

Նրանք մեղադրվում էին ազգային ատելության շարժառիթներով մարդուն առևանգելով սպանելու, կազմակերպված խմբի կողմից անչափահասի նկատմամբ զենքի գործադրմամբ բռնություն գործադրելու, լրտեսության, Ղարաբաղի պետական սահմանը կազմակերպված խմբի կողմից հատելու, հրազեն և ռազմամթերք կրելու մեջ։ Դիլհամ Ասկերովին նաև կազմակերպված խմբի կողմից ազգային ատելության շարժառիթով երկու անձանց սպանության փորձի մեղադրանք էր առաջադրվել։

Ադրբեջանը չի դիմել Արցախի իշխանություններին դիվերսանտներին վերդարձնելու համար:

 Ուշագրավ
Նիդերլանդների ու Թուրքիայի հարաբերությունները խորը ճգնաժամ են ապրում
Նա ասել է, որ 1,5 մլն հայերի սպանածների ժառանգներն են թուրքերը
Տեսանյութը նկարահանվել է Հայաստանի մետաղաձուլական արտադրամասերից մեկում