// IP Marketing video - START// IP Marketing video - END

Թուրքիայի ԶՈւ-ն Աֆրինում դպրոց է ռմբակոծել

Թուրքիայի ԶՈւ-ն Աֆրինում դպրոց է ռմբակոծել

PanARMENIAN.Net - Թուրքիայի զինված ուժերը Սիրիայի հյուսիսային Աֆրինում դպրոց են ռմբակոծել: Reuters-ի փոխանցմամբ, այս մասին հայտնում են Սիրիայում քրդական ուժերն ու երկրի պետական լրատվամիջոցները:

Թուրքական աղբյուրները հերքում են այս տեղկատվությունը:

Քրդական «Ժողովրդական ինքնապաշտպանության ջոկատների» (YPG) խոսնակ Նուրի Մահմուդի փոխանցմամբ, թուրքական բանակն ու Սիրիայում նրանց աջակցող «Սիրիայի ազատ բանակը» թիրախավորել են Մայդանքի գյուղի դպրոցը. տուժածներ չկան:

Նուրի Մահմուդի խոսքով, խոցվել է նաև Աֆրինի ջրամատակարարման համակարգը:

Հունվարին Թուրքիան քրդերի դեմ գործողություն էր սկսել Սիրիայի հյուսիսում: Թուրքական բանակը գնդակոծել էր սահմանային Աֆրին քաղաքը, որը վերահսկում են սիրիացի քրդերի ինքնապաշտպանական ուժերը՝ YPG:

Ավելի վաղ Թուրքիայի փոխվարչապետ Բեքիր Բոզդաղն ասել էր, որ Անկարան խորհրդակցում է Մոսկվայի և Վաշինգտոնի հետ այդ գործողության հարցում: «Ժողովրդավարական միություն»կուսակցության ղեկավարության անդամ Սիհանոկ Դիբոն հայտնել էր, որ քրդերը հուսով են, որ կստանան ԱՄՆ գլխավորած միջազգային կոալիցիայի աջակցությունը, եթե Թուրքիան գրոհի Աֆրինը: Թուրքիան քրդական ինքնապաշտպանական ուժերին համարում է ահաբեկչական կազմակերպություն, որը կապված է արգելված ՔԱԿ հետ:

 Ուշագրավ
Ադրբեջանի գլխավոր դրոշը բազմիցս չի դիմացել քամուն և պատառոտվել է
Առաջին 10-յակում ԱՄՆ ոչ մի քաղաք չկա
Ալիևը հավելել է, որ բանակի համար արվում է «այն ամենն, ինչ անհրաժեշտ է»
Ադրբեջանում աշխատունակ 4,6 մլն բնակչության միայն 32%-ը մասնագիտություն ունի