// IP Marketing video - START// IP Marketing video - END

«Կանայք բիզնեսում»․ Նոր ծրագիր գործարար կանանց համար` ԱԿԲԱ բանկից (վիդեո)

«Կանայք բիզնեսում»․ Նոր ծրագիր գործարար կանանց համար` ԱԿԲԱ բանկից

PanARMENIAN.Net - ԱԿԲԱ-ԿՐԵԴԻՏ ԱԳՐԻԿՈԼ բանկը Վերակառուցման և Զարգացման Եվրոպական բանկի (EBRD) հետ համատեղ անցկացրել են«Կանայք բիզնեսում» խորագրով միջոցառումը, որի շրջանակում կին գործարարներին ներկայացվել է երկու բանկի գործակցության արդյունքում ստեղծված ֆինանսական ծառայությունը։

«Նպատակը մեկն է․ օժանդակել, ոգևորել և խրախուսել կին ձեռներեցներին, որպեսզի նրանք ավելի ակտիվ լինեն բիզնեսում, եթե դեռ չեն զբաղվում, ապա սկսեն։ Իրենց բիզնեսը ընդլայնելու համար լավ գաղափարներով կարող են գալ բանկ միաժամանակ ֆինանսավորում և որակյալ խորհրդատվություն ստանալու: Նշում եմ որակյալ, որովհետև խորհրդատվության պակաս մեր երկրում չկա, որակյալ խորհրդատվության՝ շատ կա», - իր խոսքում նշել է ԱԿԲԱ-ԿՐԵԴԻՏ ԱԳՐԻԿՈԼ բանկի Զարգացման և մարքեթինգի վարչության ղեկավար Արսեն Մելքոնյանը։

«Բանկի ՓՄՁ հաճախորդների 1/3-ը կանայք են և մենք նպատակ ունենք կանանց համար դառնալ առաջին ընտրության բանկը։ Մինչև ապրիլի 30-ը կին գործարարների վարկավորումը կիրականացնենք հատուկ պայմաններով՝ առանց գրավի մինչև 4 մլն ՀՀ դրամը 13, իսկ ԱՄՆ դոլարով՝ 10 տոկոս տարեկան տոկոսադրույքով, իսկ ավելի խոշոր վարկերի դեպքում ՀՀ դրամով 12.5 և ԱՄՆ դոլարով 9 տոկոս տարեկան տոկոսադրույքով», - նշել է ԱԿԲԱ-ԿՐԵԴԻՏ ԱԳՐԻԿՈԼ բանկի ՓՄՁ և կորպորատիվ բիզնեսի պրոդուկտների կառավարման և վաճառքի բաժնի պետ Հակոբ Հակոբյանը։

Women in Business առաջարկի մանրամասները նեկայացված են պաշտոնական կայքում։

Միջոցառմանը մասնակցել են բանկի հաճախորդ և հաճախորդ չհանդիսացող ավելի քան 90 կին ղեկավար՝ փոքր ու միջին բիզնեսի տարբեր ոլորտներից։

 Ուշագրավ
ECOS-M ընկերությունը համաձայնագիր է կնքել Հրազդանի ՋԷԿ-ի հետ, որը էլեկտրաէներգիա կմատակարարի
Ներմուծումը աճել է մոտ 28%-ով
Հայաստանի տնտեսությունն այժմ գտնվում է վերականգնման փուլում 2014-2015-ի ուժեղ արտաքին շոկից հետո, ուժեղացվել է վերահսկողությունը բյուջետային ծախսերի նկատմամբ
ՀՀ-ում տնտեսությունը կտրուկ աճ է արձանագրել արդյունաբերության արագ աճի և պղնձի գների աճի պայմաններում, ասվում է զեկույցում