// IP Marketing video - START// IP Marketing video - END

Թուրքիայի ԱԳՆ է կանչվել Նիդերլանդների գործերի հավատարմատարը. Բողոքել են Ցեղասպանության վերաբերյալ նախագծերից

Թուրքիայի ԱԳՆ է կանչվել Նիդերլանդների գործերի հավատարմատարը. Բողոքել են Ցեղասպանության վերաբերյալ նախագծերից

PanARMENIAN.Net - Թուրքիայի արտաքին գործերի նախարարությունն իր դժգոհությունն է հայտնել Նիդերլանդների խորհրդարանում շրջանառության մեջ դրված Հայոց ցեղասպանությունը ճանաչող երկու նախագծի վերաբերյալ: Այս մասին գրում է Sputnik-ը:

Երկրի ԱԳՆ է կանչվել Անկարայում Հոլանդիայի գործերի ժամանակավոր հավատարմատար Էրիկ Ուեստստրատեն: Հանդիպման ժամանակ Թուրքիայի ԱԳՆ խոսնակ Համի Աքսոյը պնդել է, թե նախագծերը պատրաստվել են հայամետ քաղաքական գործիչների կողմից, որոնք կրում են տեղի հայկական լոբբիի ազդեցությունը:

Նիդերլանդների խորհրդարանում շրջանառության մեջ է դրվել Հայոց ցեղասպանությանը վերաբերվող երկու բանաձև։ Դրանցից առաջինով ճանաչվում է Հայոց ցեղասպանության իրականացման փաստը։ Երկրորդում նշվում է, որ Նիդերլանդների նախարարը կամ պետքարտուղարը պետք է ներկա գտնվի Երևանում ցեղասպանության զոհերի հիշատակի միջոցառումներին ապրիլին։ Բանաձևերը դեռևս ընդունված չեն խորհրդարանի ստորին պալատի կողմից։

Երկու բանաձևերն էլ համահեղինակել է «Քրիստոնեական միության» պատգամավոր Ջոել Ուորդեվինդը։ Իշխող կոալիցիայի բոլոր կուսակցությունները միացել են բանաձևերին։

 Ուշագրավ
«Խնդիրը ստեղծել ենք ոչ թե մենք, այլ Փաշինյանը»,- ասել է Բելառուսի նախագահը
ՀՀ ԱԳՆ մամուլի քարտուղար Աննա Նաղդալյանն ասաց՝եղել է ՌԴ պաշտոնական ներկայացուցչի արձագանքը
Այս ընտրությունները նախանշում են Հայաստանի ժողովրդավարական զարգացման շատ կարևոր փուլ, ասել է են ՄԹ-ից