// IP Marketing video - START// IP Marketing video - END

Հայաստանը 107-րդն է կոռուպցիայի ընկալման վարկանիշում

Հայաստանը 107-րդն է կոռուպցիայի ընկալման վարկանիշում

PanARMENIAN.Net - 2017 թվականին Հայաստանը 107-րդ հորիզոնականում է աշխարհի 180 երկրի շարքում կոռուպցիայի ընկալման վարկանիշում: Թրանսփարենսի Ինթերնեշնլ հակակառուպցիոն կենտրոնի «Կոռուպցիայի ընկալման համաթիվ-2017» զեկույցի համաձայն՝ երկիրը 35 միավորով Եթովպիայի, Մակեդոնիայի և Վիետնամի հետ նույն խմբում է:

2016 թվականին Հայաստանի ԿԸՀ համաթվի արժեքն էր 33 և այդ արժեքով նա 176 երկրների շարքում կիսում էր 113-ից 115-րդ տեղերը: Նկատի ունենալով Հայաստանի ԿԸՀ-ի համար հաշվարկված ստանդարտ սխալի չափը (3,79), կարելի է պնդել, որ 2016-ի համեմատ Հայաստանի հանրային ոլորտի կոռուպցիայի ընկալումը 2017-ին մնացել է հիմնականում նույնը:

Արևելյան Եվրոպա-Կենտրոնական Ասիա տարածաշրջանի 19 երկրի շարքում Հայաստանը Մակեդոնիայի հետ կիսում է 9-10-րդ տեղերը (2016-ին երկիրը զբաղեցնում էր 10-րդ տեղը): Հայաստանը նախկին խորհրդային հանրապետություններից այժմ զիջում է բալթյան հանրապետություններին և Վրաստանին, որի ԿԸՀ 2017-ի համաթիվը հավասար է 56-ի (2016-ի 57-ի փոխարեն կամ նահանջ 1 միավորով):

Ինչպես և նախորդ տարիներին, Հայաստանը, շարունակում է զիջել նաև Թուրքիային (40՝ 2016-ի 41-ի փոխարեն): Հայաստանի մյուս երկու հարևանների՝ Ադրբեջանի և Իրանի 2017-ի համաթվերը 2016-ի համեմատ բարելավվել են 1-ական միավորով, հավասարվելով 31-ի Ադրբեջանի դեպքում (122-ից 129-րդ տեղեր) և 30-ի Իրանի դեպքում (130-ից 134-րդ տեղեր):

 Ուշագրավ
Հայկական կողմը վստահեցնում է, որ շարունակելու է վճռականորեն աշխատել խաղաղության հաստատման ուղղությամբ
Հայաստանը 0.755 ցուցանիշով զբաղեցնում է 83-րդ տեղը՝ կիսելով այն Թաիլանդի հետ
«Նոր բացված Երևանյան անկյունը կարող է Հայաստան այցելելու, հնարավոր է նաև՝ նոր գործարար կապեր ստեղծելու առիթ դառնալ»,- նշել է Բիզնես Արմենիայի Միջազգային համագործակցության կառավարիչը
Ըստ թերթի, «Ռոբերտ Քոչարյանն այն սակավաթիվ մարդկանցից է, ում Վլադիմիր Պուտինն իր ընկերն է համարում, որոնց թվում են նաև Բեռլուսկոնին և Շրյոդերը»