// IP Marketing video - START// IP Marketing video - END

Բեռլինալեում հայ-գերմանա-բուլղարական ֆիլմի նկարահանման համաձայնագիր է կնքվել

Բեռլինալեում հայ-գերմանա-բուլղարական ֆիլմի նկարահանման համաձայնագիր է կնքվել

PanARMENIAN.Net - Բեռլինալեի շրջանակներում ընթացող Եվրոպական կինոշուկայում «Տատիկիս վարսերը» խաղարկային լիամետրաժ ֆիլմի համատեղ արտադրության համաձայնագիր է կնքվել «Պարալլելս Ֆիլմպրոդաքշն», «ԺելՖիլմ» և «Քլեվըր Պրոդաքշն» կինոընկերությունների հետ:

Հայ-բուլղարա-գերմանական ֆիլմի համաարտադրողները կմիավորեն իրենց երկրների պետական և մասնավոր ֆինանսական ռեսուրսները, ինչպես նաև կինոյին աջակցող միջազգային ֆոնդերի միջոցները՝ ֆիլմի արտադրությունը իրականացնելու նպատակով։

Արտադրության մեջ ներգրավված է միջազգային մասնագիտական թիմ։ Ձայնային մշակումը կիրականացնեն բուլղարացի մասնագետները։ Թվային հետարտադրությունը կարվի Գերմանիայում։ Հայ ճանաչված դերասաններ՝ Սոս Ջանիբեկյանին, Դիանա Մալենկոյին, Հռիփսիմե Նահապետյանին, Վահագն Մարտիրոսյանին կմիանան բուլղարացի գործընկերները։

«Տատիկիս վարսերի» 2018-ի նկարահանումները կսկսվեն ամռանը՝ Հայաստանում, Լոռու մարզում, կշարունակվեն Բուլղարիայում։ Փոքր հատված կնկարահանվի նաև Գերմնիայում։ Ֆիլմը էկրան կբարձրանա 2019ին։

 Ուշագրավ
Հայաստանը 0.755 ցուցանիշով զբաղեցնում է 83-րդ տեղը՝ կիսելով այն Թաիլանդի հետ
«Նոր բացված Երևանյան անկյունը կարող է Հայաստան այցելելու, հնարավոր է նաև՝ նոր գործարար կապեր ստեղծելու առիթ դառնալ»,- նշել է Բիզնես Արմենիայի Միջազգային համագործակցության կառավարիչը
Ըստ թերթի, «Ռոբերտ Քոչարյանն այն սակավաթիվ մարդկանցից է, ում Վլադիմիր Պուտինն իր ընկերն է համարում, որոնց թվում են նաև Բեռլուսկոնին և Շրյոդերը»
Իսրայելի դատախազությունը օգոստոսի 29-ին մեղադրանք է ներկայացրել անօդաչու թռչող սարքեր արտադրող Aeronautics Defense Systems ընկերությանը