// IP Marketing video - START// IP Marketing video - END

ԶԼՄ. ՀՀ-ն ՌԴ-ից «Իսկանդեր-Է» և «Վերբա» գնած առաջին երկիրն է աշխարհում

ԶԼՄ. ՀՀ-ն ՌԴ-ից «Իսկանդեր-Է» և «Վերբա»  գնած առաջին երկիրն է աշխարհում

PanARMENIAN.Net - 2017 թվականին Ռուսաստանը, պաշտոնական տվյալներով, $16 մլրդ-ի սպառազինություն է արտահանել տարբեր երկներ, իսկ պատվերների թիվը մոտեցել է $50 մլրդ-ի շեմին: Ռուսաստանյան «Կոմերսանտ» պարբերականի փոխանցմամբ, երկիրը նախորդ տարում պահպանել է երկրորդ տեղը սպառազինության համաշխարհային շուկայում։

Նշվում է, որ Ալժիրը երկրորդ երկիրն է աշխարհում՝ Հայաստանից հետո, որին ՌԴ-ն «Իսկանդեր-Է» օպերատիվ-մարտավարական հրթիռային համալիր է վաճառել: Ռուսաստանյան New Defense Order Strategy կայքի փոխանցմամբ, մայիսին ՌԴ-ն Հայաստանին է մատակարարել «Վերբա» 9К333 զենիթահրթիռային համալիրներ:

«Հայաստանը գնել է «Վերբա» 9К333 նորագույն զենիթահրթիռային համալիրների խմբաքանակ և դարձել այդ համալիրի առաջին հայտնի օտարերկրյա պատվիրատուն»,- նշում է աղբյուրը։

Մյուս խոշոր պատվիրատուների ցանկում,Հայաստանից բացի, ընդգրվել են Թուրքիան, Բելառուսը, Սաուդյան Արաբիան, Հունաստանը, Բանգլադեշը, Ուզբեկստանը և այլն: Նյութում չի հիշատակվում Ադրբեջանի հետ գործակցության մասին: Մինչդեռ հայտնի է, որ ՌԴ-ն միլիարդավոր դոլարների սպառազինություն է մատակարարում Ադրբեջանին:

2016 թվականի ապրիլյան պատերազմից հետո ՀՀ զինված ուժերը համալրվել են «Վերբա» դյուրակիր զենիթային համալիրներով: «Իգլա-Ս» գնելու մասին հայտնի էր դարձել 2016-ի փետրվարին, «Վերբան» գնելու մասին հայտարարվել էր 2017 թվականի ապրիլին:

«Իգլա-Ս»-ն ու «Վերբան» ռուսական արտադրության դյուրակիր զենիթային համալիրներ են. դրանց հեռահարությունը 0.5-6 կմ է՝ 10-3500 մ բարձրությամբ թռչող թիրախների համար:

 Ուշագրավ
Կառավարությունը դեկտեմբերի 6-ի նիստում համապատասխան համաձայնագիրը հաստատվել է
Նշվում է նաև, որ Բելառուսի և Ադրբեջանի միջև կնքվող ռազմական պայմանագրերի ծավալները, գործարքների գումարները շատ հաճախ գաղտնի են պահվում