Ֆրանսիան չի բացառում, որ Վրաստանի հետ առանց վիզայի ռեժիմը կարող է չեղարկվել16 մարտի 2018 - 15:54 AMT PanARMENIAN.Net - Վրաստանում Ֆրանսիայի դեսպան Պասկալ Մենյեն նախազգուշացրել է Վրաստանի քաղաքացիներին, որ Եվրամիության հետ առանց վիզայի ռեժիմը կդադարեցվի, եթե ապաստանի համար դիմողների աճը շարունակվի: «Sputnik Վրաստանի» փոխանցմամբ, այս մասին հայտնում է վրացական «Իմեդի» հեռուստաալիքը: ԵՄ երկրները վերջին շրջանում ավելի հաճախ են դժգոհություն հայտնում Վրաստանից ապաստան խնդրողների թվի աճի առնչությամբ: Իրենց մտահոգությունն են արդեն հայտնել Գերմանիան, Ֆրանսիան, Շվեդիան և Իսլանդիան: «Ֆրանսիայում ապաստան ստանալ ցանկացող Վրաստանի քաղաքացիների թիվն աճել է: Միևնույն ժամանակ, նրանք հաճախ խախտում երկրում գտնվելու սահմանված ժամկետները: Ցանկանում եմ կոչ անել Վրաստանի քաղաքացիներին չհավատալ նրանց, ովքեր երկու տարի ժամկետով անօրինական կեցություն են նրանց առաջարկում Ֆրանսիայում և Գերմանիայում, իսկ դրանից հետո ապաստանի տրամադրում», - ասել է ֆրանսիացի դեսպանը: Ֆրանսիայի դեսպանի խոսքով՝ նման գործողությունները կարող են վատ հետևանքներ ունենալ ամբողջ Վրաստանի համար: «Չի բացառվում, որ նման գործողությունների պատճառով Վրաստանի նկատմամբ կիրառվեն պատժամիջոցներ և առանց վիզայի ռեժիմի դադարեցվի»,- նշել է Մենյեն: Հունվարին ԵՄ երկրներում ապաստան է տրամադրվել Վրաստանի 13 քաղաքացու, իսկ մոտ 1300 մարդ մերժում է ստացել: Վերջին տվյալներով՝ ուսումնասիրվում է Վրաստանի ավելի քան 5400 քաղաքացու դիմում:Եվրամիությունը Վրաստանին առանց վիզայի ռեժիմ է տրամադրել 2017 թվականի մարտին: Այս ընթացքում 220.000 քաղաքացի է օգտվել առանց վիզա ռեժիմից: Ավելի վաղ, Վրաստանից մեկնած ապաստան փնտրողների քանակի ավելացման առնչությամբ դժգոհություն էր հայտնել նաև Գերմանիան: Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |