3-րդ և հաջորդ երեխաների ծննդյան նպաստի դիմումները կարելի է լրացնել առցանց16 մարտի 2018 - 17:21 AMT PanARMENIAN.Net - Երրորդ և հաջորդ երեխայի ծննդյան միանվագ նպաստ ստանալու համար քաղաքացիները կարող են առցանց եղանակով դիմել և ստանալ սահմանված գումարը: Panorama.am-ի փոխանցմամբ, այս մասին հայտարարել է ՀՀ աշխատանքի և սոցիալական հարցերի նախարարության սոցիալական ապահովության պետական ծառայության պետ Հովհաննես Սահակյանը՝ հիշեցնելով, որ առցանց ծառայությունը գործում էր առաջին և երկրորդ երեխայի դեպքում: ՍԱՊԾ պետը նշել է, որ մարտի 1-ից առցանց կարելի է դիմել ծննդյան միանվագ նպաստ, խնամքի նպաստ նշանակելու, խնամքի նպաստի իրավունքը վերականգնելու, խնամքի նպաստի վճարումը վերսկսելու, թաղման նպաստը ստանալու համար: «Առաջիկայում կունենանք մի շարք ծառայություններ, որոնք նույնպես առցանց եղանակով կմատուցվեն, սակայն կարևոր է, որ մյուս պետական մարմինները ևս ունենան էլեկտրոնային շտեմարան գործընթացն արագ կազմակերպելու համար»,- ասել է Հովհաննես Սահակյանը: Նա նշել է նաև, որ այսուհետ Քաղաքացիական կացության ակտերի գրանցման գրասենյակներում ծննդյան վկայականը ստանալու համար տեղում կարող են լրացնել նաև ծննդյան միանվագ նպաստ ստանալու դիմումը: «Մեկ վայր այցելելով` լրացնում են երկու դիմում և ստանում այդ ծառայությունները»,- նշել է Սահակյանը: Ամբողջական տեղեկատվությունը կարելի է ստանալ www.epension.am կայքից: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Ամենաընթերցվողը բաժնում | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը Հնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |