Էքսպերիմենտ. Ո՞ւմ են թշնամի համարում արցախցի և ադրբեջանցի երեխաները (վիդեո)

Էքսպերիմենտ. Ո՞ւմ են թշնամի համարում արցախցի և ադրբեջանցի երեխաները

PanARMENIAN.Net - Մարտի սկզբին համացանցում տեսանյութ հայտնվեց Բաքվի նախադպրոցական հաստատություններից մեկում պարապմունքի մասին, որտեղ երեխաներին սովորեցնում են ատել հայերին: Տեսանյութը հրապարակվել էր ուսումնական հաստատության պաշտոնական ֆեյսբուքյան էջում:

Հոլովակում դաստիարակչուհին հարցնում է երեխաներին, թե ովքեր են Ադրբեջանի թշնամիները, իսկ երեխաները միասին պատասխանում են՝ հայերը: Հետո դաստիարակչուհին հարցնում է, թե ինչու են հայերը թշնամիներ, իսկ երեխաները պատասխանում են. «նրանք սպանել են մեր բոլոր զինվորներին»:

Արցախի մարդու իրավունքների պաշտպանն, ի պատասխան այդ տեսանյութի, որոշել է շրջել Արցախի մանկապարտեզներով և իմանալ, թե ղարաբաղցի երեխաներն ում են թշնամի համարում: Տեսանյութը հրապարակվել է Արցախի մարդու իրավունքների ֆեյսբուքյան էջում և YouTube-ում: Երեխաները տարբեր պատասխաններ են տալիս՝ սարդ-մարդը, հրեշը, «Մաշան, որովհետև տանջում է արջուկին»: Երեխաներից ոմանք ասում են, որ չունեն թշնամիներ:

2-րոպեանոց հոլովակլի վերջում երեխաները դիմում են Յունիս անունով տղային Բաքվի մանկապարտեզից, որը հայերին էր անվանել Ադրբեջանի թշնամիներ: «Յունիս, դու իմ թշնամին չես», - ասում են արցախցի երեխաները:

Բացի այդ, տեսանյութում բերված է 2016-ի ապրիլին Ադրբեջանի ԶՈւ կողմից կատարված ռազմական հանցագործությունների վիճակագրությունը:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---