Քեմալական պատգամավորը «Եվա» ֆիլմի ցուցադրության արգելքի վերաբերյալ պարզաբանում է պահանջել21 մարտի 2018 - 17:08 AMT PanARMENIAN.Net - Թուրքիայի ընդդիմադիր «Ժողովրդահանրապետական կուսակցության» (CHP) պատգամավոր Սելինա Դողանը մեջլիսում ներկայացրել է երկրի ներքին գործերի նախարար Սուլեյման Սոյլուին ուղղված գրավոր հարցումը, որտեղ պարզաբանում է պահաջել իրանահայ ռեժիսոր Անահիտ Աբադի «Եվա» ֆիլմի ցուցադրությունը Ստամբուլում արգելելու վերաբերյալ: Այս մասին հայտնում է թուրքական Milliyet պարբերականը: Դողանը նշել է, որ «Եվա» ֆիլմը պետք է ցուցադրվեր Ստամբուլում անցկացվող «Ֆիլմմոր» միջազգային կինոփառատոնի շրջանակում, սակայն ցուցադրությունից ժամեր առաջ ներքին գործերի նախարարությունը՝ Ադրբեջանի պահանջով, արգելող գրություն է ուղարկել փառատոնի կազմակերպիչներին: «Ուսումնասիրվել է արդյո՞ք ֆիլմը նախարարության կողմից: Ուսումնասիրելու դեպքում, նախարարությունը հատկապես ո՞ր դրվագներում է արգելքի համար հիմք հանդիսացած տարրեր արձանագրել: Եթե ֆիլմի ցուցադրությունն արգելելու հիմքեր կան, ապա դրանք օրենսդրության ո՞ր դրույթներ են խախտում», - նշված է եղել նախարարին ուղղված հարցման մեջ: Ավելի վաղ հայտնել էինք, որ Թուրքիայի ներքին գործերի նախարարությունն Ադրբեջանի պահանջով արգելել է Ստամբուլում անցկացվող «Ֆիլմմոր» միջազգային կինոփառատոնում ցուցադրել իրանահայ ռեժիսոր Անահիտ Աբադի «Եվա» ֆիլմը: Այն պետք է ցուցադրվեր մարտի 17-ին: «Եվա» հայ-իրանական համատեղ արտադրության խաղարկային ֆիլմը նկարահանել է իրանահայ ռեժիսոր Անահիտ Աբադը: Այն դրամատիկ պատմություն է մի կնոջ մասին, ով ուզում է մոռանալ տարիներ առաջ իր կյանքում տեղի ունեցած մութ ու ծանր պատմությունը։ Եվան դստեր հետ հեռանում է Երևանից, հաստատվում է Արցախում՝ ծանոթների մոտ։ Սակայն, անցյալն ամենուր հետապնդում է նրան: Հղումներ թեմայով. Ուշագրավ Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան Ամենաընթերցվողը բաժնում | «Հայաքվե»․ Չհավատալ և չտարածել ադրբեջանական գերության մեջ սպառնալիքի տակ կորզված խոսքերը և ուղերձները Ադրբեջանական լրատվամիջոցներում Արցախի նախկին պաշտոնյաների հետ հարցազրույցների անոնս էր հրապարակվել Մարությանը կուսակցություն է հիմնում. Համագումարը` մայիսի 1–ին Անվանումն արդեն հայտնի է ԱԱԾ սահմանապահ զորքերն ընդունելություն են սկսել «Զվարթնոց» անցակետում ծառայության համար Ծառայության անցնելու համար կարող են դիմել մինչև 30 տարեկան անձինք Բնակարանային ապահովման աջակցությունից կօգտվեն այն արցախցիները, ովքեր կդառնան ՀՀ քաղաքացի Նախատեսվում է ծրագիրն իրականացնել 5 տարվա ընթացքում |