  Առցանց վաճառքի ռուսական Wildberries հարթակը կմտնի հայկական շուկա 30 մարտի 2018 - 14:36 AMT PanARMENIAN.Net - Առցանց վաճառքի ամենամեծ ռուսական Wildberries հարթակը դուրս կգա հայկական շուկա; Այդ մասին «Կոմերսանտին» տված հարցազրույցում հայտարարել է Wildberries համասեփականատեր Վլադիսլավ Բակալչուկը: Պատասխանելով այն հարցին, թե մտադիր է արդյոք ընկերությունը Բելառուսից, Ղրղզստանից և Ղազախստանից բացի, որտեղ արդեն կա Wildberries, գործել նաև հետխորհրդային տարածքի մյուս երկրներում, Բակալչուկն ասել է, որ մտադիր է դուրս գալ հայկական շուկա: «Աստիճանաբար մտադիր ենք, այո, Հայաստան, օրինակ: Բելառուսում և Ղազախստանում գործերը մեծ կախում ունեն փոխարժեքի տատանումից: Երբ ռուբլին ուժեղ է, համապատասխանաբար, այնտեղ վաճառքները նվազում են: Երբ այն թույլ է, վաճառքներն աճում են: Հիմնականում աճը նույնպիսին է, ինչպես տեղական շուկայում»,-ասել է գործարարը: Առցանց վաճառքի ռուսական Wildberries հարթակը 2004-ին հիմնել են Վլադիսլավ և Տատյանա Բակալչուկները: Նրանք զբաղվում են հագուստի, կոշիկի, աքսեսուարների, դիմահարդարման միջոցների, խաղալիքների, տան համար ապրանքների, էլեկտրոնիկայի, գրքերի վաճառքով: Կայքում հասանելի է մոտ 1,5 մլն ապրանք 10.500 բրենդից: Օրական այցելուների թիվը հասնում է մոտ 2 մլն:   Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Վերջին լուրեր ԱՄՆ փոխնախագահ․ Երբեք չենք մոռանա Հայոց ցեղասպանությունը  Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձելՀայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներումԱտալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանըՀնդկաստանի ԱԳՆ–ն՝ Բաքվին․ Խթանում ենք ռազմարդյունաբերական արտադրանքի արտահանումը Նա նշել է, որ իր երկիրը լավ հարաբերություններ ունի և Ադրբեջանի, և ՀՀ հետ |
