// IP Marketing video - START// IP Marketing video - END

Բախումներից հետո 46 հոգի դիմել է բուժօգնության. 6-ը ոստիկան էին

Բախումներից հետո 46 հոգի դիմել է բուժօգնության. 6-ը ոստիկան էին

PanARMENIAN.Net - Ապրիլի 16-ինժամը 16։30 դրությամբ ոստիկանների և ցուցարարների բախման հետևանքով Երևանի բուժհաստատություններ բուժօգնության համար դիմել է 46 քաղաքացի, որից 6-ը ոստիկան են։ Այս մասին հայտնում է ՀՀ առողջապահության նախարարությունը:

Հիվանդների մի մասը, ստանալով ամբուլատոր բժշկական օգնություն, դուրս է գրվել բուժհաստատությունից: Քաղաքացիական անձանց մոտ հիմնականում առկա են ստորին վերջույթների մակերեսային վնասվածքներ, որոնց համար ցուցաբերվում է անհրաժեշտ առաջնային բուժօգնություն։

Ոստիկանների վնասվածքները բութ և կտրող գործիքներով հասցված վնասվածքներ են։ Ոստիկաններից մեկը ներկայումս վիրահատվում է երակի կտրվածքի պատճառով։

Նախարարությունը հայտնում է, որ առողջապահական համակարգը գործում է ուժեղացված ծառայության պայմաններում և տիրապետում է անհրաժեշտ բոլոր միջոցներին՝ ժամանակին և որակյալ բուժօգնություն ցուցաբերելու նպատակով։

Տուժածներից որևէ մեկի կյանքին վտանգ չի սպառնում։

 Ուշագրավ
«Խստորեն դատապարտում եմ ոտնձգության փաստը և ողջունում եմ ՀՀ մարդու իրավունքների պաշտպան Արման Թաթոյանի արագ ու համարժեք արձագանքը»,-ասվում է Մելիքյանի գրառման մեջ
Դրանց թվում նաև «Գազպրոմի» լցակայաններն են
ՌԴ-ից Հայաստան իրականացվել է 79.000 ուզևորություն, ինչը 22 տոկոսով ավելի է, քան 2017-ի նույն շրջանում