  Shadowmatic խաղը երկար սպասված թարմացումն է ստացել. 30-ից ավելի նոր մակարդակ ունի (վիդեո)  19 ապրիլի 2018 - 19:49 AMTPanARMENIAN.Net - Հայկական Triada Studio-ի թողարկած ամբողջ աշխարհում հայտնի Shadowmaticխաղը երկար սպասված թարմացումն է ստացել: Այն արդեն նոր բաժին ունի՝ Other Worlds («Այլ աշխարհներ»), որը բաղկացած է ավելի քան 30 մակարդակից՝ ինտեգրված 3 նորյուրօրինակ թեմատիկ միջավայրում՝ Space («Տիեզերք»), Music («Երաժշտություն») ու Ancient Worlds («Հինավուրց աշխարհներ»): Նոր մակարդակները հասանելի են iOS-ի ու tvOS-ի համար: «Այս թարմացնամ շնորհիվ դուք կճանապարհորդեք ժամանակի ու տարածության միջով՝ բացահայտելով հնագույն դարերի գաղտնիքները, կհայտնվեք տիեզերքում ու կսուզվեք երաժշտության աշխարհը»,- ասվում է թարմացման նկարագրությունում: Խաղի նոր բաժինը հասանելի է դառնում մեկանգամյա գնման պարագայում: Վճարումից հետո հասանելի կլինեն հետևյալ հիմնական գործառույթները. նոր մակարդակի քարտեզը, բացառիկ 30մակարդակ, 3 «թաքնված» մակարդակ, 3 նոր միջավայր, ձեռքբերումներ ու երկրորդական առաքելություններ: Բոլոր մակարդակներն ուղեկցվում են երաժշտական նոր կոմպոզիցիաներով: Երաժշտությունը ևս հասանելի կլինի iTunes-ում: Shadowmatic խաղը 3D գլուխկոտրուկ է, որն օգնում է զարգացնել երևակայությունն ու ժամանակի հետ կատարելագործել շարժումների կոորդինացիան ու ռեակցիայի արագությունը:2015-ի հունվարին լույս տեսած խաղը հասանելի է Android և iOS համակարգերի օգտատերերին՝ անվճար ներբեռնման համար: 2015-ի հունիսի 8-ին Apple Design Awards ամենամյա մրցույթում խաղը մրցանակ ստացավ՝ Apple-ի կողմից ճանաչվելով «լավագույն նոր խաղ»:Այն նաև ճանաչվեց Google Play-ի 2017 թվականի լավագույն նորարարական խաղերից մեկը: Խաղն ունի 9 սենյակ և 80-ից ավել մակարդակ (level)՝ ինքնատիպ միջավայրերով: Կարճ ժամանակում խաղը հայտնվել է App Store-ի ամենաշատ ներբեռնվող հավելվածների շարքում։ Այն հասանելի է 13 լեզվով։ Shadowmatic-ն արժանացել է ևս 2 մրցանակի DevGAMM Awards-ում, ինչպես նաև ճանաչվել տարվա լավագույն խաղ iPhone-ի համար Չինաստանում, Հնդկաստանում և Ռուսաստանում, «Լավագույն խաղեր iPhone-ի համար» մրցանակակիր դարձել ԱՄՆ-ում, Մեծ Բրիտանիայում, Ֆրանսիայում և Գերմանիայում: Հոնկոնգում և Թայվանում խաղը հաղթել է «Ամենանորարարական խաղ iPhone-ի համար» անվանակարգում, իսկ Կորեայում ստացել «Լավագույն բեսթսելեր iPhone-ի համար» կոչումը: Հավելվածն արժանացել է նաև բազմաթիվ այլ մրցանակների:   Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը  Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարելGRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականըՍենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունըՀՀ ԱԳՆ․ Ադրբեջանական լրատվամիջոցներում հրապարակված թուղթը կեղծ է՝ Բրյուսելի հանդիպմանը գաղտնի օրակարգ չի եղել Նա հավելել է, որ բրյուսելյան գործընթացն ամբողջովին թափանցիկ է եղել և շարունակելու է մնալ այդպիսին |
