ԵԺԿ-ն կոչ է անում ԵԽԽՎ-ից անհապաղ հեռացնել Ադրբեջանի կոռուպցիոն զեկույցում ներառված պատգամավորներին25 ապրիլի 2018 - 10:56 AMT PanARMENIAN.Net - Եվրոպայի ժողովրդական կուսակցությունն ապրիլի 24-ին կոչ է արել ԵԺԿ անդամ հանդիսացող բոլոր կուսակցություններին «անմիջապես կասեցնել կամ հեռացնել» այն անդամներին, որոնց անունները ներառված են Եվրոպայի խորհրդի խորհրդարանական վեհաժողովի Արտաքին հետաքննության մարմնի կողմից կազմված զեկույցում։ ԵԺԿ նախագահ Ժոզեֆ Դոլի տարածած հայտարարության մեջ ասվում է, որ մանրամասնորեն ուսումնասիրել է զեկույցն ու իր լիակատար աջակցությունն է հայտնում Եվրոպայի խորհրդին ու նշում, որ «պետք է անել առավելագույնը՝ ԵԽԽՎ-ի նկատմամբ արժանահավատությունը վերականգնելու համար՝ որպես Եվրոպայում մարդու իրավունքների, ժողովրդավարության պահապան ու խաղաղության խթանող», հայտնում է Panorama.am-ը։ «30 տարի քաղաքականության մեջ լինելով՝ ես տխուր ու վրդովված եմ՝ տեսնելով քաղաքական գործիչների անուններն այդ զեկույցում։ Մեր քաղաքացիներն ընտրում են քաղաքական գործիչներին իրենց ծառայելու ու իրենց շահերը ներկայացնելու համար, այլ ոչ բացարձակ հակառակը»,-ասել է Դոլը։ Ժոզեֆ Դոլը նշում է, որ ԵԺԿ-ին անդամակցած կուսակցությունները պետք է պատասխանատվություն ստանձնեն ու բարելավեն թափանցիկությունն ու նրանց ներկայացուցիչները պետք է գործեն ԵԺԿ արժեքներին համապատասխան։ «ԵԺԿ-ն զրոյական հանդուրժողականություն է ցուցաբերում էթիկային հակառակ վարքագծի նկատմամբ, որը ներառում է կոռուպցիա, կաշառակերություն կամ շահերի բախում»,-ասվում է հայտարարության մեջ։ Ապրիլի 22-ին ԵԽԽՎ Արտաքին հետաքննության մարմինը հրապարկել է զեկույց, որը վերաբերում է ԵԽԽՎ-ում Ադրբեջանի կողմից իրականացվող կոռուպցիոն գործարքներին։ Հետաքննության մարմինը բացահայտել էր Ադրբեջանի կողմից իրականացրած երկու գործունեություն՝ ազդելու ԵԽԽՎ գործունեության վրա՝ լոբբիստական աշխատանքով և կանխիկ գումարների բաժանման միջոցով։ Այս անունների մեջ են նաև ԵԺԿ անդամներ Լուկա Վոլոնտեն ու Պեդրո Ագրամունտը, ովքեր եղել են նաև ԵԽԽՎ ԵԺԿ խմբի ղեկավարներ։ Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում Ամենաընթերցվողը բաժնում | Մինչև 10% քեշբեք GetTransfer-ից՝ IDBank-ի քարտերով Քեշբեքի չափը կախված է IDBank-ի քարտից G7-ի երկրները կոչ են արել Բաքվին կատարել հումանիտար իրավունքի իր պարտավորությունները Նրանք նաև կոչ են արել Երևանին և Բաքվին հավատարիմ մնալ խաղաղ գործընթացին ftNFT ֆիջիթալ սփեյսում քննարկվել է AKNEYE-ի հետ գործակցությունը և մտավոր սեփականության իրավունքը Ետալեանը ներկաներին պատմել է AKNEYE-ի հետ գործակցության սեփական փորձի մասին Լավրով․ ՀՀ-ն դեռ ինքը չի կարող որոշել ՀԱՊԿ պատասխանատվության գոտին իր տարածքում Նա ասել է, որ պետք է «նշել Հայաստանի սահմանները, ավարտել սահմանազատումը» |