Փաշինյանի եզրափակիչ ելույքը․ՀՀԿ-ն ոչնչացրեց ինքն իրեն (Թարմացվող)

PanARMENIAN.Net - Նիկոլ Փաշինյանը՝ ելույթ ունենալով ԱԺ-ում եզրափակիչ ելույթով վարչապետի հարցով քվեարկությունից առաջ, ասաց, որ շուտով իջնելու է հրապարակ՝ հավաքվածների մոտ։

«Սեփական ժողովրդին պատերազմ հայտարարող ուժն ընդհանրապես չի կարող գոյություն ունենալ․․․ հիմա մենք տեսնում ենք ոչ թե ՀՀԿ, այլ նրա ուրվականը»։

20։41 Կոչ եմ անում ձեզ միանալ համաժողովրդական զարթոնքի, լինել տողի հեղինակը․․ էական չէ՝ ով երբ է միացել, էականն այն է, որ յուրաքանչյուրն իր լուման է բերում, որ ՀՀ-ն դուրս գա հաղթանակած, - ասել է նա՝ դիմելով անհատապես ՀՀԿ-ական պատգամավորներին։

20։34 «Այս պահից պաշտոնապես հայտարարում եմ՝ ՀՀԿ-ն ոչնչացնելու մտադրություն չունեմ, քանի որ ՀՀԿ-ն ինքը իրեն ոչնրացրեց այսօրվա քննարկումներով», - շեշտել է նա։

Նա ասել է, որ ՀՀԿ-ն արել է քննարկման ընթացքում հայտարարություններ, որոնք նպատակ ունեն խքաթարել բարեկամական հարաբերություններն այլ երկրների հետ՝ թշնամանք հրահրելով այլ պետությունների հետ։

Նա ասել է՝ որևէ բախումներ չեն լինելու, քանի որ ժողովրդի դեմ կանգնած ուժ չկա։