Մարոկկոն խզում է դիվանագիտական հարաբերություններն Իրանի հետ 2 մայիսի 2018 - 14:31 AMT PanARMENIAN.Net - Մարոկկոյի իշխանությունները խզում են դիվանագիտական հարաբերություններն Իրանի հետ: Այդ մասին մայիսի 1-ին հայտարարել է Մարոկկոյի ԱԳ նախարար Նասեր Բուրիտան: Այդպիսի որոշում է կայացվել, քանի որ, ըստ Ռաբաթի տեղեկությունների, լիբանանյան «Հեզբոլլահ» կուսակցության միջոցով Թեհրանը ռազմական աջակցություն է ցուցաբերում Պոլիսարիոյի ճակատին՝ մասնավորապես զենք մատակարարելով, գրում է Deutsche Welle-ն: Որոշումը կայացվել է զուտ երկկողմ բնույթի նկատառումներով և որևէ կապ չունի տարածաշրջանային ու միջազգային իրադարձությունների հետ՝ ավելի ուշ պարզաբանել է Մարոկկոյի ԱԳՆ-ն: Նա շեշտել է, որ խոսքը Մարոկկոյի տարածքային ամբողջականության ու անվտանգության մասին է: Ըստ Բուրիտայի, Իրանում Մարոկկոյի դեսպանն արդեն հեռացել է այդ երկրից, դեսպանությունը կփակվի առաջիկայում: Պոլիսարիոյի ճակատը հանդես է գալիս Մարոկկոյից Արևմտյան Սահարայի անկախության օգտին: Դա վիճահարույց տարածք է Հյուսիսային Աֆրիկայում, նախկին իսպանական գաղութ, որի մեծ մասը 1975-ին անկախության հռչակումից հետո զավթել է Մարոկկոն: Պոլիսարիոյի ճակատը պահանջում է անկախության հանրաքվե անցկացնել: Ռաբաթն առաջարակում է ինքնավարություն Մարոկկոյի կազմում: Հղումներ թեմայով. Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |