// IP Marketing video - START// IP Marketing video - END

Ներմուծումն ու արտահանումն աճել են

Ներմուծումն ու արտահանումն աճել են

PanARMENIAN.Net - 2018թ. հունվար-ապրիլ ամիսներին 2017թ. նույն ժամանակահատվածի համեմատ մոտ 35 մլրդ դրամով կամ 13%-ով աճել է սահմանին հարկման ենթակա ապրանքների ծավալը:

Մասնավորապես՝ երրորդ երկրներից ներմուծվել է աննախադեպ քանակով՝ 17 341 ավտոմեքենա՝ նախորդ տարվա նույն ժամանակահատվածի 7 230-ի փոխարեն: Այսինքն՝ ավտոմեքենաների քանակն ավելացել է 10 111-ով, իսկ դրանց դիմաց կատարված վճարումներն աճել են 6 984 մլն դրամով, հայտնում է ՊԵԿ տեղեկատվության և հասարակայնության հետ կապերի բաժինը:

Մի շարք այլ ապրանքների դեպքում ևս ներմուծման աճի պայմաններում ավելացել են նաև գանձումները, մասնավորապես՝ նավթի և նավթամթերքի դեպքում գանձումներն աճել են 73%-ով, դեղամիջոցների դեպքում՝ 33%-ով, ցիտրուսային մրգերի դեպքում՝ 75%-ով, երեսպատման սալիկների դեպքում՝ 77%-ով, խոզի մսի դեպքում` 36%-ով, կահույքի դեպքում՝ 48%-ով, օծանելիքի դեպքում՝ 32%-ով և այլն:

Ընթացիկ տարվա հունվար-ապրիլ ամիսներին նախորդ տարվա նույն ժամանակահատվածի համեմատ մոտ 82 մլրդ դրամով կամ 29%-ով աճել են արտահանման ծավալները: Դեպի 3-րդ երկրներ արտահանվող ապրանքների ծավալներն աճել են մոտ 53 մլրդ դրամով, իսկ դեպի ԵՏՄ անդամ երկրներ՝ մոտ 29 մլրդ դրամով:

Մասնավորապես, աճել են պղնձի հանաքաքարի արտահանման ծավալները՝ 28%-ով, ծխախոտի արտադրանքինը՝ 26%-ով, էլեկտաէներգիայինը՝ 81%-ով, ապակյա տարաներինը՝ 34%-ով, ոսկունը՝ 15%-ով, նրբաթիթեղ ալյումինինը՝ 21%-ով, թարմ բանջարեղենինը` 21%-ով և այլն:

ՀՀ-ում աշխատողների թիվն ու ամսական միջին աշխատավարձն աճել են: 2018թ. հունվար-մարտ ամիսներին 2017-ի նույն ժամանակահատվածի համեմատ մոտ 5.6 մլրդ դրամ կամ 7% եկամտային հարկի հաշվարկային աճ է գրանցվել: Ցուցանիշը հիմնականում պայմանավորված է առևտրային հարկ վճարողների մոտ գրանցված շուրջ 6.1 մլրդ դրամ կամ 12.6% աճով, հայտնում է ՊԵԿ տեղեկատվության և հասարակայնության հետ կապերի բաժինը:

 Ուշագրավ
Նախնական փուլում նախատեսվում է բազայի կառուցումը, որտեղ կլինեն հյուրանոցներ, առևտրային կենտրոններ, ռեստորաններ, խանութներ, օժանդակ այլ կառույցներ
Խոշոր եղջերավոր կենդանիների թիվը7,8%-ով
Ընդհանուր վարկերի ծավալն կազմել է 2,374 տրլն
6 տարում $138 մլն-ի եկամուտ կարող է ապահովվել