// IP Marketing video - START// IP Marketing video - END

Ստեփանակերտ-Շուշի ճոպանուղի կգործի

Ստեփանակերտ-Շուշի ճոպանուղի կգործի

PanARMENIAN.Net - Ավարտման փուլում են Ստեփանակերտ-Շուշի ճոպանուղու նախագծային աշխատանքները, որի շինարարական աշխատանքները նախատեսվում է սկսել առաջիկայում՝ բարեգործական միջոցներով: Այդ մասին հայտարարել է ԱՀ պետական նախարար Արայիկ Հարությունյանը մայիսի 16-ին, Արցախի Ազգային ժողովում 2017 թվականի պետական բյուջեի կատարման հաշվետվության քննարկման ժամանակ:

Նա կարևորել է ծրագիրը՝ նշելով, որ այն ծառայելու է ոչ միայն որպես Ստեփանակերտ-Շուշի տրանսպորտային միջոց, այլ նաև զբոսաշրջության խթանման համար լուրջ գործոն է հանդիսանալու, հայտնում է «Արցախպրեսը»:

«Շուշիում նախատեսում ենք նաև ունենալ ժամանակակից հանգստի գոտի, որտեղ լինելու է երեխաների համար ատրակցիոնների հարուստ ձևավորում: Զբոսաշրջության ոլորտում մեծ աշխատանք է տարվում ենթակառուցվածքների սպասարկման ոլորտը տեղանքին հարմարեցնելու ուղղությամբ, ինչը բերելու է փոքր և միջին ձեռնարկատիրության զարգացմանը: Ծրագրի արդյունքում ակնկալվում է, որ ավելանալու է Արցախ այցելող զբոսաշրջիկների թիվը և նրանց մնալու օրերի քանակը»,- նշել է Հարությունյանը:

 Ուշագրավ
Հանրային հեռուստաընկերության «Լուրերի» հետ զրույցում ԱԳՆ մամուլի քարտուղար Աննա Նաղդալյանն ասել է, որ պետք չէ Լեռնային Ղարաբաղի ժողովրդի փոխարեն որոշել նրա կամքը:
«Խնդիրը ստեղծել ենք ոչ թե մենք, այլ Փաշինյանը»,- ասել է Բելառուսի նախագահը
ՀՀ ԱԳՆ մամուլի քարտուղար Աննա Նաղդալյանն ասաց՝եղել է ՌԴ պաշտոնական ներկայացուցչի արձագանքը
Այս ընտրությունները նախանշում են Հայաստանի ժողովրդավարական զարգացման շատ կարևոր փուլ, ասել է են ՄԹ-ից