 Բարաք Օբաման Netflix-ի պրոդյուսեր կդառնա 22 մայիսի 2018 - 16:20 AMT PanARMENIAN.Net - ԱՄՆ նախկին նախագահ Բարաք Օբաման և նրա կինը՝ Միշելը, Netflix սթրիմինգային ծառայության պրոդյուսերներ կդառնան: ԱՄՆ նախկին նախագահի հետ պայմանագրով, որի կնքման մասին ընկերության ներկայացուցիչը հայտարարել է մայիսի 21-ին, նախատեսվում է գեղարվեստական և փաստագրական ֆիլմերի, ինչպես նաև սերիալների ստեղծում: Ըստ նախկին նախագահի, գործակցությունը թույլ կտա «համադրել տաղանդավոր, ոգեշնչող և ստեղծագործ ձայները, որոնք նպաստում են ժողովրդների միջև ըմբռնման աճին», գրում է Deutsche Welle-ն: Միշել Օբաման, իր հերթին, նշել է «պատմությունների ուժը», որը ստիպում է «այլ կերպ մտածել շրջակա միջավայրի մասին և օգնում է բացել սիրտն ու բանականությունն այլոց համար»: Մի քանի տարով կնքված գործարքի ֆինանսական մանրամասները չեն հրապարակվում: Ամուսինների հիմնած ընկերության, որը կկոչվի Higher Ground Productions, առաջին նախագծերը սպասվում են 2019-ին: Netflix-ը հայտնի է իր որակյալ և թանկ սերիալներով, որոնց թվում են գիտաֆանտաստիկ «Սև հայելին», «Շատ տարօրինակ գործեր» սարսափ ֆիլմը և քաղաքական «Թղթե տնակը»: Ընկերությունը մոտ 125 մլն վճարող բաժանորդ ունի ամբողջ աշխարհում: Հղումներ թեմայով.   Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով   Ամենաընթերցվողը բաժնում |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
