Աշոտյան. Խնդիր կա, երբ վարչապետը հորդորում է ՊՆ նախկին ղեկավարին հրապարակավ կարծիք չհայտնել22 մայիսի 2018 - 17:26 AMT PanARMENIAN.Net - ՀՀԿ-ական պատգամավոր, ՀՀԿ փոխնախագահ Արմեն Աշոտյանը հակասահմանադրական տարրեր է տեսնում նոր կառավարության քայլերում: Այդ մասին նա հայտարարել է ԱԺ հայտարարությունների ժամին։ Արմեն Աշոտյանն ընդգծել է, որ վերջին օրերին բազմակարծության հանդեպ անհանդուրժողականություն է նկատվում։ «Այս մտահոգությունը կիսում են 100-ավոր օգտատերեր, որոնք հանդգնում են քննադատական խոսք ասել նոր ձևավորված իշխանությունների հասցեին», - նկատել է նա, հայտնում է Aysor.am-ը։ Աշոտյանը նկատել է, որ սահմանադրականության խնդիր է տեսնում այն հարցում, երբ երկրի վարչապետը պաշտպանության նախկին նախարարին հորդորում է հրապարակավ կարծիք չհայտնել սոցցանցերով։ Վարչապետ Նիկոլ Փաշինյանը պաշտպանության նախկին նախարար Վիգեն Սարգսյանին խորհուրդ էր տվել «բեմականացված հայտարարություններ» չանել: Արմեն Աշոտյանն անդրադարձել է նաև Ազգ-բանակ հայեցակարգի մասին հնչած քննադատություններին՝ նշելով, որ ազգ-բանակ գաղափարը որևէ մեկի սեփականությունը և որևէ քաղաքական ուժի մենաշնորհը չէ, այլ կոչված է մոբիլիզացնելու քաղաքական ռեսուրսը արտաքին ագրեսիայի դեպքում։ Վիգեն Սարգսյանն ու Արմեն Գրիգորյանը հեռակա բանավիճել են «Ազգ-բանակ» ծրագրի շուրջ: ՀՀ պաշտպանության նախկին նախարար, «Ազգ-բանակ» հայեցակարգի հեղինակ Վիգեն Սարգսյանն՝ անդրադառնալով Արմեն Գրիգորյանի ելույթին՝ ասել է, որ կարծիք արտահայտող հանրային պաշտոնյան պարտավոր է շատ հստակ պատկերացնել, թե ինչի մասին է խոսում: «Ժողովրդավարությունը, հակակոռուպցիոն պայքարը երկրի ռազմավարական խորությունն ուժեղացնող գործոններ են, բայց միայն այդ գործոններն անվտանգության լիարժեք համակարգ չեն կարող ապահովել», - ասել է պատգամավորը: «Ինձ համար մտահոգիչ է, երբ երկրի գործադիր իշխանության ղեկավարը լրատվամիջոցներով հայտնում է, որ երբ հորդորի ՏԻՄ մարմիններին հրաժարական տալ, նրանք պետք է հրաժարական տան։ Սահմանադրության հետ կապված համապատասխան հոդվածով ակնհայտ խնդիր եմ տեսնում», - նշել է նա։ Փաշինյանն, անդրադառնալով Ազգ-բանակ հայեցակարգին, ասել էր. «Մենք ունենք օրենք, որը ունի կոնկրետ դրույթներ, որի անունը դրել են «Ես եմ» ծրագիր: Իսկ Ազգ-բանակը որտե՞ղ է ձևակերպված: Դա գաղափար է, որ քննադատվել է և շատ արդարացված: Հարցեր են բարձրացվել, թե դրա տակ ինչ է հասկացվում՝ արդյոք մենք հասկանում ենք միլիտարիզացված հասարակություն, որ բոլորին փորձում են ուսադիրների տակ քաշել՝ հնազանդ պահելու համար: Մենք տեսանք, որ մեր հասարակությունն այդպիսին չի լինի»,-ասելէ Փաշինյանը, գրել է «Առավոտը»: Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Էրդողանը հերթական ժխտողական ուղերձն է հղել Ապրիլի 24–ի կապակցությամբ «Օսմանյան կայսրության քաղաքացի հայերը զոհվել են Առաջին աշխարհամարտի ընթացքում ի հայտ եկած ծանր պայմանների հետևանքով»,–ասել է նա Freedom House–ը մտահոգված է ՀՀ-ում ոստիկանական բռնության մասին հաղորդումների աճով Կազմակերպությունը կոչ է արել ՀՀ իշխանություններին հետաքննել «անհամաչափ ուժի և անմարդկային վերաբերմունքի դեպքերը» Տասմագամբետով․ ՀԱՊԿ-ից դուրս գալը կլինի ՀՀ ինքնիշխան որոշումը, բայց այդ դեպքում ուժերի բալանսը Հրվ. Կովկասում կարող է փոխվել Նա նշել է, թե կազմակերպությունը լիովին պահպանում է իր պարտավորությունները Երևանի նկատմամբ Գարեգին Բ․ Հերոսական անցյալով հզոր մեր ժողովուրդը պիտի հեռացնի իր կյանքից ազգային շահերին հակառակ կործանարար դրսևորումները Նա նշել է, որ մտահոգիչ ծանր իրավիճակ է Հայաստանի սահմանային տարածքներում |