Ցեղասպանության ճանաչման հարցը հանվել է Քնեսեթի նիստի օրակարգից

Ցեղասպանության ճանաչման հարցը հանվել է Քնեսեթի նիստի օրակարգից

PanARMENIAN.Net - Իսրայելի Քնեսեթի խոսնակ Յուլի Էդելսթեյնը հանել է Հայոց ցեղասպանության ճանաչման հարցը մայիսի 28-ի նիստի օրակարգից։ Այս մասին հայտնում է Jerusalem Post-ը:

Էդելսթեյնի խոսնակն ասել է, որը հարցն օրակարգից հանելու պատճառը «Քնեսեթի՝ խայտառակությունից խուսափելն էր, քանի որ պարզ չէր, արդյոք մեծամասնությունը կողմ կքվերարկեր բանաձևին»։

Ավելի վաղ, Հայոց ցեղասպանության ճանաչման հարցը մտել էր Իսրայելի Քնեսեթի ընդլայնված նիստի օրակարգ: Քննարկումը նախաձեռնել է ձախակողմյան ընդդիմադիր «Մերեց» կուսակցության առաջնորդ Թամար Զանդբերգը։ «Դա մեր բարոյական և պատմական պարտավորությունն է: Կան բաներ, որ վեր են քաղաքականությունից»,-հայտարարել է նա:

2018-ի փետրվարին ևս եղավ Հայոց ցեղասպանության ճանաչման հարցը Քնեսեթում քննարկելու փորձ, սակայն այն ժամանակ այդ գաղափարը մերժվեց: Կառավարությունը միշտ խնդրել է կոալիցիային դեմ քվեարկել՝ Թուրքիայի հետ հարաբերությունները փչացնելու մտավախությունից դրդված:

 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---