Վրաստանի վարչապետը ցուցարարների պահանջով հրաժարական չի տա 1 հունիսի 2018 - 14:19 AMT PanARMENIAN.Net - Վրաստանի վարչապետ Գեորգի Կվիրիկաշվիլին հրաժարվել է հեռանալ պաշտոնից Թբիլիսիում ցուցարարների պահանջով: Հունիսի 1-ին նրա հայտարարությունը տարածել է կառավարության մամուլի ծառայությունը: «Երբ վստահ լինեմ, որ իմ հրաժարականն օգուտ կտա երկրին և գոնե մի փոքր կբարելավի և կլիցքաթափի իրավիճակը, չեմ կասկածի ոչ մի վայրկյան: Այսօր այդպիսի իրավիճակ և նման պահ չէ»,-ասել է նա, հայտնում է Deutsche Welle-ն: Մայիսի 31-ի երեկոյան Թբիլիսիում հարյուրավոր մարդիկ են դուրս եկել բողոքի ակցիայի՝ ընդդեմ 2017-ի դեկտեմբերին երկու դպրոցականների սպանության գործով դատավճռի: Միջադեպը տեղի է ունեցել 2017-ի դեկտեմբերի 1-ին: Թիվ 51 դպրոցում վիճաբանություն էր առաջացել 9-րդ և 11-րդ դասարանների աշակերտների միջև, իսկ ավելի ուշ դանակահարություն էր տեղի ունեցել մեկ այլ դպրոցի անչափահասների մասնակցությամբ: Վերջիններս օգնության էին եկել 9-րդ դասարանի աշակերտներից մեկին: Դատավճիռը վրդովեցրել էր նաև դատախազներին: Հունիսի լույս 1-ի գիշերը ցուցարարները ստիպված են եղել ընդհատել ակցիան հորդառատ անձրևի պատճառով, սակայն, մտադիր են շարունակել 16:00-ին: Նշվում է, որ ակցիային կարող են միանալ շրջանների բնակիչները: Դատավճիռը վրդովեցրել էր դատախազին, մեղադրող կողմը հայտարարել է վերաքննիչ դատարան դիմելու մտադրության մասին: Գլխավոր դատախազ Իրակլի Շոթաձեն հրաժարական է տվել:Ցուցարարները պահանջել են վարչապետի հրաժարականը: Սպանվածներից մեկի հայրը հայտարարել է, որ վարչապետը եկել էր ոչ թե իրեն ցավակցելու, այլ «մեկ անգամ էլ խաբելու»: Ավելի ուշ հատուկ ճեպազրույցում Կվիրիկաշվիլին հայտարարեց, որ նոր հետաքննությունը թափանցիկ կլինի և նա իր անձնական հսկողության տակ է առնելու այն: Ուշագրավ Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Պատճառը հայտնի չէ | ԵԱՏՄ–ում ռոումինգի գնագոյացման կանոնները կընդունվեն մինչև 2024-ի վերջ Դեռևս մնում են բաց հարցեր Լոնդոնի հետ քննարկվել են Երևանի նոր գլխավոր հատակագծի մշակման հարցեր Քննարկումն ընթացել է Լոնդոնի քաղաքային պլանավորման OUTCOMIST ընկերության հիմնադիր-տնօրեն Քրիս Չոայի հետ Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում |