Փաշինյան. Պարտադիր կուտակայինը հուլիսի 1-ից ուժի մեջ է մտնում 7 հունիսի 2018 - 16:19 AMT PanARMENIAN.Net - Հուլիսի 1-ից ուժի մեջ է մտնում կուտակային կենսաթոշակային համակարգի պարտադիր բաղադրիչը 1974 թվականի հունվարի 1-ից հետո ծնված բոլոր վարձու աշխատողների համար։ Այս մասին ԱԺ-ում հայտարարել է ՀՀ վարչապետ Նիկոլ Փաշինյանը: Ըստ նրա, ոլորտի ամենահեղինակավոր մասնագետները պնդում են, որ այս պրոցեսն անցել է անդառնալիության կետը, և տվյալ խնդրի շուրջ որոշումներ կայացնելիս պետք է հաշվի առնվեն ռիսկերը, որ ոչ միայն երկարաժամկետ, այլև կարճաժամկետ առումով կարող են աղետալի հետևանքներ ունենալ Հայաստանի տնտեսության վրա: «Փաստ 1-ին. պարտադիր կուտակային համակարգի շահառուների մոտավորապես 80%-ն արդեն իսկ ներառված է համակարգում, և շահառուների միայն 20%-ն է, ում ներառումը համակարգում նախատեսվում է հուլիսի 1-ից հետո: Փաստ 2-րդ. այս պահի դրությամբ կուտակային ֆոնդերում հավաքված է 120 մլրդ դրամ, որի 70 տոկոսը ներդրված է Հայաստանի տնտեսության մեջ: Փաստ 3-րդ. կուտակային ֆոնդերի կառավարումն իրականացնում են աշխարհում հսկայական հեղինակություն վայելող և ահռելի, նույնիսկ Հայաստանի տարեկան ՀՆԱ-ն գերազանցող կապիտալների տիրապետող ընկերություններ, և Հայաստանում նրանց հետագա ճակատագիրը Հայաստանում ներդրումներ անելու հուսալիության աստիճանի՝ միջազգայնորեն ճանաչված գնահատական է լինելու», - ասել է նա: Նա հավելել է, որ արտադիր կուտակային կենսաթոշակային համակարգի նկատմամբ բոլորի մեծագույն վերապահումը եղել է վստահության բացակայությունը այն ներդրող կառավարության և իշխանության նկատմամբ: «Այսօր այս խնդիրը վերացել է, և ուզում եմ համոզմունք հայտնել, որ այդ հարցի վերաբերյալ կկարողանանք որոշումներ կայացնել, որոնցում հաշվի կառնվեն ինչպես խնդրի ռազմավարական խորքը, այնպես էլ ՀՀ քաղաքացիների երկարաժամկետ շահերը»,-հայտարարեց վարչապետը», - ասել է վարչապետը: Ավելի վաղ, ՀՀ աշխատանքի և սոցիալական հարցերի նախարար Մանե Թանդիլյանն առաջարկել է վարձու աշխատողների համար մեկ տարով հետաձգել պարտադիր կուտակային կենսաթոշակային համակարգին մասնակցությունը։ Այսօր Ազգային ժողովում լրագրողների հետ ճեպազրույցում Թանդիլյանը տեղեկացրեց՝ ներկայացրել է գործընթացը մեկ տարով հետաձգելու նախագիծ: Ուշագրավ Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Ամենաընթերցվողը բաժնում | Ռուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն Լավրովը «լկտի» և «անպատկառ» է անվանել ԱՄՆ և ԵՄ գործողությունները, որոնք ուզում են «ՀՀ–ին պոկել Ռուսաստանից» Նա նաև ասել է, որ ՌԴ–ն ու ՀՀ–ն նախկինի պես դաշնակիցներ են Պետդեպն ապատեղեկատվություն է անվանել Բրյուսելում ՀՀ-ի հետ ռազմական փաստաթուղթ ստորագրելու մասին պնդումները Նշել է, որ անվտանգային հարցեր օրակարգում չեն եղել PROFAL ընկերությունն անակնկալ է մատուցել իր 30,000-րդ հաճախորդին Էդգար Ավետիսյանը նշել է՝ ընկերության հաջողությունների հիմքում նաև հաճախորդներն են |