«Ծառուկյան» խմբակցությունը կարծում է՝ բարեգործության մասին նոր օրենքը Ծառուկյանի դեմ է12 հունիսի 2018 - 18:17 AMT PanARMENIAN.Net - Ազգային ժողովի «Ծառուկյան» խմբակցության պատգամավորներն իրենց մտահոգությունն են հայտնել բարեգործության մասին օրենքում կառավարության կատարած փոփոխությունների վերաբերյալ: Նրանց կարծիքով, այն «ուղղված է խմբակցության ղեկավար Գագիկ Ծառուկյանի դեմ»։ «Անհարմար է, չի կարելի։ Պետություն, արա քո պարտականությունը՝ ապահովիր անօթևաններին բնակարաններով, լուծիր անապահովության խնդիրը, իսկ եթե չես կարող, մի խանգարիր բարեգործներին, ովքեր դա կարող են ու ովքեր դա անում են։ Եթե այս օրենքը բերվի ու ընդունվի, ես լինելու եմ այն մարդկանցից մեկը, որը հորդորելու է Գագիկ Ծառուկյանին հուլիսի 1-ից դադարեցնել բոլոր բարեգործական ծրագրերը և բոլոր շահառուներին, ովքեր կդիմեն Գագիկ Ծառուկյանին, մենք ուղղորդելու ենք դեպի կառավարություն», - հայտարարել է խմբակցության պատգամավոր Նաիրա Զոհրաբյանը։ Խմբակցության մեկ այլ պատգամավոր Միքայել Մելքումյանը կառավարությունից պահանջել է «համարժեք վերաբերմունք»: «Պարոն Փաշինյան, բարեգործությունների 95 տոկոսը կատարում է Գագիկ Ծառուկյանը, խորհրդակցե՞լ եք իր հետ», - ասել է նա: Խմբակցության պատգամավոր Իվետա Ծառուկյանն էլ հավելել է, որ ՀՀ նախկին վարչապետ Կարեն Կարապետյանը, այս նախագծի մշակմամբ, «կարծել է, թե վատություն է անում Գագիկ Ծառուկյանին»: «Եթե նախագիծն ընդունվի, մենք ինքներս կհորդորենք Ծառուկյանին վերանայել իր դիրքորոշումը բարեգործության նկատմամբ», - ասել է նա: ՀՀ նախկին վարչապետ Կարեն Կարապետյանի կառավարության մշակած նախագծով սահմանվում է, թե որ ծրագրերն են ենթակա բարեգործական որակմանը և որոնք կարող են որակվել որպես հարկային արտոնություններ ստացող: Նախագծի համաձայն, պիտի սահմանվեր, որ ծրագրերը կարող են բարեգործական համարվել, որոնք՝ ոչ, ստեղծվեր ծրագրերը համակարգող հանձնաժողով ու լիազոր մարմին, որը կարող էր որոշել, բարեգործական է տվյալ ծրագիրը թե ոչ։ Ուշագրավ Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Ամենաընթերցվողը բաժնում | Թրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիս Թուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբ Թուրքիայի ԱԳՆ-ն դժգոհել է Հայոց ցեղասպանության մասին տարբեր երկրների հայտարարութուններից Թուրքիայի ԱԳՆ-ն կոչ է արել «բոլոր կողմերին սատարել համատեղ պատմական հանձնաժողովի ստեղծման առաջարկին» Մայր աթոռում Հայոց ցեղասպանության նահատակների ոգեկոչման արարողություն է եղել Հավատացյալների խոնարհումի համար դուրս էր բերվել նաև Հայոց Ցեղասպանության սրբոց նահատակաց մասունքարանը |