Վանեցյան. «Տեղեկություն կա ինձ ու վարչապետին «վնասազերծել» ցանկացողների մասին»

Վանեցյան. «Տեղեկություն կա ինձ ու վարչապետին «վնասազերծել» ցանկացողների մասին»

PanARMENIAN.Net - ՀՀ ԱԱԾ տնօրեն Արթուր Վանեցյանը լրագրողների հետ զրույցում հայտնել է, որ ստանում են տեղեկատվություն՝ իրենց (նկատի ունի՝ ԱԱԾ ղեկավարությանը) «վնասազերծել փորձող խմբերի» մասին. պատճառը կառույցի գործողություններն ու կոռուպցիոն բացահայտումներն են:

Նա ասել է, որ նման տեղեկատվություն են ստացել նաև ՀՀ վարչապետ Նիկոլ Փաշինյանի հետ կապված: Հարցին, թե ինչ խմբերի մասին է խոսքը, Վանեցյանը հրաժարվել է պատասխանել:

Վանեցյանը հավելել է նաև, որ չի կարծում՝ «նման բարձր վարկանիշ ունեցող վարչապետի» նկատմամբ որևէ մեկն այդպիսի փորձ կձեռնարկի:

Թավշյա հեղափոխությունից հետո ԱԱԾ-ն պետական գերատեսչություններում և պաշտոնյաների հետ փոխկապակցված մի շարք աղմկահարույց բացահայտումներ է արել:

Հունիսի 17-ի կառույցը հրապարակել էր ԱԺ «Հանրապետական» խմբակցության պատգամավոր Մանվել Գրիգորյանին պատկանող առանձնատանն ու ամառանոցում խուզարկության տեսագրությունը․ մեծ քանակությամբ զենք-զինամթերքից բացի, առգրավվել է հսկայական քանակի բանակին պատկանող գույք ու սնունդ, Ապրիլյան պատերազմի ժամանակ դպրոցականների, եկեղեցու ու քաղաքացիների կողմից բանակ ուղարկած օգնություն, որն օգտագործվել էր Գրիգորյանի կենդանիներին կերակրելու համար, ինչպես նաև՝ բանակին նվիրաբերած ավտոմեքենաներ։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---